“10 நிமிஷம்… அதிகம் பேசினால் இங்கேயே கொன்னுடுவேன்…” சொமேட்டோ ஊழியரை மிரட்டிய ஹோட்டல் மேனேஜர்… பகீர் பின்னணி…!!

சொமேட்டோ உணவு விநியோக ஊழியர் ஒருவர் ஆர்டரை வாங்குவதற்காக உணவகம் ஒன்றுக்குச் சென்று சுமார் 10 நிமிடங்கள் காத்திருந்துள்ளார். ஆர்டர் தயாராக இருந்தும் வழங்கப்படாததால், அது குறித்து உணவக மேலாளரிடம் பணிவாகக் கேட்டுள்ளார்.

அதற்கு அந்த உணவக மேலாளர் ஆத்திரமடைந்து, “எனக்குத் தோன்றும் போது தான் கொடுப்பேன், அமைதியாக உட்கார்; அதிகமாகப் பேசினால் உன்னை இங்கேயே கொன்று விடுவேன்” என முரட்டுத்தனமாக வசைபாடி கொலை மிரட்டல் விடுத்துள்ளார். இதனால் அச்சமடைந்த அந்த ஊழியர் தனக்கு ஏதேனும் அசம்பாவிதம் நடந்துவிடுமோ எனப் பீதியடைந்துள்ளார்.

உணவு விநியோக ஊழியர்களும் தங்களது வாழ்வாதாரத்திற்காக உழைக்கும் மனிதர்களே என்றும், அவர்களை இழிவுபடுத்துவதும் மிரட்டுவதும் முற்றிலும் ஏற்றுக்கொள்ள முடியாதது என்றும் சமூக வலைதளங்களில் கண்டனங்கள் குவிந்து வருகின்றன. இச்சம்பவம் குறித்துச் சொமேட்டோ நிறுவனம் உரிய விசாரணை நடத்தி, தவறிழைத்த உணவகத்தின் மீது கடுமையான நடவடிக்கை எடுக்க வேண்டும் எனப் பலரும் வலியுறுத்தி வருகின்றனர்.