“இது இந்தியாவா இல்ல சுவிட்சர்லாந்தா?!… மேற்கு தொடர்ச்சி மலையில் சீறிப்பாய்ந்த ரயில்… வந்தே பாரத்தில் ஒரு அட்டகாசமான ஜர்னி ரெடி…!!

பெங்களூரு மற்றும் மங்களூரு நகரங்களுக்கு இடையே வந்தே பாரத் ரயில் சேவையைத் தொடங்குவதற்கான சோதனை ஓட்டங்கள் தற்போது தீவிரமாக நடைபெற்று வருகின்றன. இந்த சோதனையின் ஒரு பகுதியாக, மேற்கு தொடர்ச்சி மலையின் அடர்ந்த வனப்பகுதிகள் மற்றும் இயற்கை எழில் கொஞ்சும் மலைப்பாதைகள் வழியாக வந்தே பாரத் ரயில் சீறிப்பாய்ந்து செல்லும் கண்கவர் வீடியோ சமூக வலைதளங்களில் வெளியாகி வைரலாகி வருகிறது. பருவமழைக் காலமான தற்போது, பசுமை போர்த்திய மலைகள் மற்றும் பனிமூட்டத்திற்கு நடுவே வெண்ணிற ரயில் பயணிக்கும் இந்த அழகிய காட்சி பார்வையாளர்களை வெகுவாக கவர்ந்துள்ளது.

தென்மேற்கு ரயில்வே சார்பாக சக்லேஷ்பூர் முதல் சுப்ரமண்யா சாலை வரையிலான மிகவும் சவாலான மலைப்பாதையில் இந்த சோதனை ஓட்டம் மேற்கொள்ளப்பட்டுள்ளது. இந்த சோதனை வெற்றிகரமாக முடிவடையும் பட்சத்தில், பெங்களூரு – மங்களூரு இடையிலான வந்தே பாரத் ரயில் சேவை விரைவிலேயே பொதுமக்களின் பயன்பாட்டிற்கு வரும் என எதிர்பார்க்கப்படுகிறது. இந்த புதிய வழித்தடம் இரண்டு நகரங்களுக்கும் இடையிலான பயண நேரத்தைக் குறைப்பதோடு மட்டுமல்லாமல், மேற்கு தொடர்ச்சி மலையின் ரம்மியமான இயற்கை அழகை ரசித்தபடியே பயணம் செய்யும் ஒரு மிகச்சிறந்த அனுபவத்தையும் பயணிகளுக்கு வழங்கும் என்பது குறிப்பிடத்தக்கது.