“கல்யாணம் ஆன மாதிரித் தெரியலையே…” திருமணமான பெண்ணை அவமானப்படுத்திய ஹோட்டல் நிர்வாகம்… பிரயாக்ராஜில் நடந்த பகீர் சம்பவம்…!!

உத்தரப்பிரதேச மாநிலம் பிரயாக்ராஜில் உள்ள ‘ஓ கோர்ட்யார்ட் வில்லா’ ஹோட்டலுக்குத் தங்குவதற்காகச் சென்ற ஒரு தம்பதிக்கு மிகுந்த மன உளைச்சல் ஏற்பட்டுள்ளது. மருத்துவமனையில் அனுமதிக்கப்பட்டிருந்த உறவினரைப் பார்ப்பதற்காக வந்த அந்தத் தம்பதி, இடைவேளையில் ஓய்வெடுக்க அறை கேட்டுள்ளனர். ஆனால், அந்தப் பெண் தனது திருமணத்திற்குப் பிறகு குடும்பப் பெயரை (Surname) மாற்றவில்லை என்பதைக் காரணமாக வைத்து ஹோட்டல் ஊழியர்கள் அறை கொடுக்க மறுத்துள்ளனர். “நீங்கள் பார்க்கத் திருமணமானவர்கள் போலத் தெரியவில்லை” என்று கூறி அவர்களின் தனிப்பட்ட உரிமைகளைப் பொதுவெளியில் விமர்சித்து ஹோட்டல் நிர்வாகம் அநாகரிகமாக நடந்து கொண்டுள்ளது.

அதுமட்டுமன்றி, அந்தத் தம்பதியுடன் வந்திருந்த மாமியாரையும் ஹோட்டலுக்குள் அனுமதிக்க ஊழியர்கள் மறுத்து, தொடர்ந்து அடையாளச் சான்றுகளைக் கேட்டு அவர்களை அவமானப்படுத்தியுள்ளனர். பெண்ணின் குடும்பப் பெயரை மாற்றாதது அவரது தனிப்பட்ட உரிமை என்ற அடிப்படை அறிவுகூட இல்லாமல் ஹோட்டல் அதிகாரிகள்  செயல்பட்டது கடும் கண்டனத்திற்குள்ளானது. இறுதியாக, இந்த விவகாரத்தை உணர்ந்த ஆன்லைன் முன்பதிவு நிறுவனமான அகோடா (Agoda), அந்தத் தம்பதிக்கு முழுத் தொகையையும் திரும்ப அளித்துள்ளது. நவீன காலத்தில் ஒரு தம்பதியின் தனிப்பட்ட வாழ்க்கையைச் சோதிக்கும் “சரிபார்ப்புத் தேர்வு” ஹோட்டல் செக்-இன் செய்யத் தேவையா என்ற கேள்வி சமூக வலைதளங்களில் எழுந்துள்ளது.