“அடேய், அந்த சாதிக்காரனா நீ”… சிறுவனை ஓரின சேர்க்கைக்கு அழைத்து தினம் தினம் சித்திரவதை… வீடியோவை பார்த்து கதறிய பெற்றோர்…!

ராமநாதபுரத்தில் செயல்பட்டு வரும் அரசு சமூக நீதி மாணவர் விடுதியில் மதுரையை சேர்ந்த முனியப்பன் என்பவருடைய மகன் ஹரி பிரசாந்த் எட்டாம் வகுப்பு படித்து வருகிறார். சிறுவன் விடுதியில் தங்கிய நாள் முதல் அந்த அறையில் தங்கி படி 9,10,12 ஆம் வகுப்பு மாணவர்கள் சிறுவனை தூங்கவிடாமல் முகத்தில் தண்ணீர் ஊற்றி தொந்தரவு செய்வது குடித்துவிட்டு ஓரினசேர்க்கைக்கு அழைப்பது என தொந்தரவு செய்துள்ளனர். அதுமட்டுமல்லாமல் மாணவனை ஜாதி பெயரைச் சொல்லி அவரை கொடுமைப்படுத்துவது அவர்களின் சொந்த வேலைகளுக்கு சிறுவனை பயன்படுத்துவது என தொடர்ந்து சித்திரவதை செய்துள்ளனர்.

இதனை பலமுறை மாணவர் விடுதியின் வார்டனிடம் சொல்லியும் அவர் எந்த ஒரு நடவடிக்கையும் எடுக்கவில்லை என தெரிகிறது. இந்நிலையில் மாணவனை கடந்த சில நாட்களுக்கு முன்பு இரவு தாக்கிய சக மாணவர்கள் அதனை வீடியோவாக எடுத்து சமூக வலைத்தளத்தில் பதிவிட்டுள்ளனர். இதனைப் பார்த்த மாணவனின் பெற்றோர்கள் மற்றும் உறவினர்கள் உடனே அதிர்ச்சி அடைந்து இது குறித்து மாணவனிடம் கேட்டபோது மாணவன் நடந்ததை கூறியுள்ளான். உடனே பெற்றோர் போலீசில் புகார் அளித்தனர்.

மேலும் சக மாணவர்கள் தன்னை படிக்க விடாமல் தொந்தரவு அளித்து ஓரினச்சேர்க்கைக்கு அழைத்ததாகவும், தன்னை எப்போதெல்லாம் தேவைப்படுகிறது அப்போதெல்லாம் தாக்கி அடித்ததாகவும், இதனால் நிம்மதி இல்லாமல் இருந்ததாகவும் சிறுவன் கண்ணீரோடு கூறியுள்ளான். தற்போது இது தொடர்பாக போலீசில் புகார் அளிக்கப்பட்டுள்ள நிலையில் போலீசார் வழக்கு பதிவு செய்த தீவிர விசாரணை நடத்தி வருகிறார்கள்.