2026 தமிழக சட்டப்பேரவைத் தேர்தல் முடிவுகள், தமிழக அரசியலில் ஒரு மிகப்பெரிய மாற்றத்தை ஏற்படுத்தியுள்ளன. அதாவது, மூன்று முக்கிய தலைவர்களுமே ஒருவித அரசியல் நெருக்கடியைச் சந்தித்து வருகின்றனர்.
மு.க. ஸ்டாலின்: எதிர்க்கட்சித் தலைவர் அந்தஸ்து பறிபோனது
திமுக கூட்டணி 59 இடங்களுடன் இரண்டாம் இடத்தைப் பிடித்திருந்தாலும், அதன் தலைவர் மு.க. ஸ்டாலின் தனது கோட்டையான கொளத்தூர் தொகுதியிலேயே தமிழக வெற்றிக் கழகத்தின் வேட்பாளர் வி.எஸ். பாபுவிடம் தோல்வியைத் தழுவியுள்ளார். ஒரு கட்சி இரண்டாம் இடத்தைப் பிடித்தாலும், அதன் தலைவர் சட்டமன்ற உறுப்பினராகத் தேர்வாகாத பட்சத்தில் அவரால் எதிர்க்கட்சித் தலைவராக சபைக்குள் நுழைய முடியாது. இதனால், தனிப்பட்ட முறையில் ஸ்டாலினுக்கு இது ஒரு மிகப்பெரிய அரசியல் பின்னடைவாகக் கருதப்படுகிறது. தற்போது உதயநிதி ஸ்டாலின் சேப்பாக்கம் தொகுதியில் வெற்றி பெற்றுள்ளதால், அவரே திமுகவின் சட்டமன்றக் குழுத் தலைவராகத் தேர்ந்தெடுக்கப்பட வாய்ப்புள்ளது.
எடப்பாடி பழனிசாமி: பலமிழந்த அதிமுக
அதிமுக பொதுச்செயலாளர் எடப்பாடி பழனிசாமி தனது எடப்பாடி தொகுதியில் வெற்றி பெற்று சட்டமன்றத்திற்குள் நுழைந்தாலும், அவரது கட்சி 47 இடங்களுடன் மூன்றாம் இடத்திற்குத் தள்ளப்பட்டுள்ளது. சட்டப்பேரவை விதிகளின்படி, அதிக இடங்களைப் பெற்றுள்ள இரண்டாவது பெரிய கட்சியே (திமுக) பிரதான எதிர்க்கட்சியாக அங்கீகரிக்கப்படும். அதன் அடிப்படையில், கடந்த முறை எதிர்க்கட்சித் தலைவராக இருந்த ஈபிஎஸ், இந்த முறை அந்த அந்தஸ்தை இழந்துள்ளார். தேர்தலில் வெற்றி பெற்றும் அதிகாரப்பூர்வ எதிர்க்கட்சித் தலைவராக அமர முடியாத நிலை அவருக்கு ஒரு ‘கைக்கு எட்டியது வாய்க்கு எட்டாத’ சூழலை உருவாக்கியுள்ளது.
விஜய்: மெஜாரிட்டி இல்லாத முதலிடம்
நடிகர் விஜய் தலைமையிலான தமிழக வெற்றிக் கழகம் 108 இடங்களை வென்று தனிப்பெரும் கட்சியாக உருவெடுத்து வரலாற்றுச் சாதனை படைத்துள்ளது. விஜய் தானும் போட்டியிட்ட பெரம்பூர் மற்றும் திருச்சி கிழக்கு ஆகிய இரு தொகுதிகளிலும் வெற்றி பெற்றுள்ளார். இருப்பினும், ஆட்சியமைக்கத் தேவையான மாயாஜால எண்ணான 118-ஐ எட்ட இன்னும் 10 இடங்கள் தேவைப்படுகின்றன. தனிப்பெரும்பான்மை இல்லாததால், மற்ற கட்சிகளின் ஆதரவின்றி அவரால் தனிச்சையாக ஆட்சி அமைக்கவோ அல்லது முதல்வராகவோ முடியாத சூழல் நிலவுகிறது. முதலிடம் பிடித்தும் ‘கிங் மேக்கர்’களின் தயவை நாட வேண்டிய கட்டாயத்தில் விஜய் இருக்கிறார்.
ஜெம் கிரானைட்ஸ் நிறுவனத்தின் உரிமையாளர் வீரமணிக்கு எதிரான பாலியல் குற்றச்சாட்டுகள் தொடர்பாக, பாதிக்கப்பட்ட சிறுமிகள் அளித்த புகார்களின் பேரில் தமிழ்நாடு…
மகாராஷ்டிரா மாநிலம் நாக்பூரில் வாடகை செலுத்த முடியாத நிலையில் இருந்த நபர் ஒருவர், ரூ.500 கள்ளநோட்டுகளை அச்சடித்ததாகக் கூறப்படும் சம்பவம்…
கேரள மாநிலம் கொச்சி சேரநல்லூர் பகுதியில், கூடுதல் அமர்வு நீதிபதி ஒருவரின் 17 வயது மகன் ஓட்டிச் சென்ற மெர்சிடிஸ்…
திரைப்படப் பின்னணிப் பாடகி சின்மயி, தான் திரையுலகில் பிரபலமாவதற்கு முன்பு தன் தாயாருடன் சேர்ந்து வாடகை வீடு தேடிய தருணங்களில்…
சென்னை திருவேற்காடு சுந்தரசோழபுரம் பகுதியைச் சேர்ந்தவர் வெங்கடேசன். இவரது மகள்களான பிரியங்கா மற்றும் பிரியதர்ஷினி ஆகிய இருவரும் 15 வயதுடைய…
பீகார் மாநிலம் கயாவில் உள்ள சந்தௌதி காவல் நிலைய எல்லைக்குட்பட்ட காந்தி நகர் பகுதியில், நிலத்தகராறு காரணமாக பெரும் கலவரம்…