“என்னால இனிமே வாழ முடியாது, என் பிள்ளைய பாத்துக்கோ”… கடிதம் எழுதி வைத்துவிட்டு SIR பணிச்சுமையால் ஆசிரியர் தற்கொலை… நாடே அதிர்ச்சி…!

SIR பணிசுமையால் குஜராத்தில் ஒரு ஆசிரியர் தற்கொலை செய்து கொண்ட சம்பவம் அதிர்ச்சியை ஏற்படுத்தியுள்ளது. SIR பணி சுமை காரணமாக குஜராத்தின் கிர் மாவட்டத்தில் பணியாற்றும் 40 வயதான ஆசிரியரும் பூத் லெவல் அலுவலருமான அரவிந்த் முல்ஜி வதேர் தனது சொந்த ஊரான தேவ்லி கிராமத்தில் தற்கொலை செய்து கொண்ட சம்பவம் பரபரப்பை ஏற்படுத்தியுள்ளது. நேற்று அதிகாலை இவர் தூக்கிட்டு தற்கொலை செய்து கொண்டதாக கூறப்படுகிறது.

மேலும் அவர் தற்கொலை கடிதம் ஒன்றையும் எழுதி வைத்துள்ளார். தன் மனைவிக்கு அவர் எழுதிய கடிதத்தில், என்னால் இனிமேல் இந்த SIR பணிகளை தொடர முடியாது. நான் சில நாட்களாகவே மிகுந்த சோர்வாகவும் மன அழுத்தத்திலும் உள்ளேன். நம்முடைய மகளை நன்றாக கவனித்துக் கொள். வேறு வழியே இல்லாமல் தான் நான் இந்த இறுதி முடிவை எடுத்தேன் என்று குறிப்பிட்டுள்ளார். தற்போது அந்த கடிதத்தை கைப்பற்றியுள்ள போலீசார் தீவிர விசாரணை நடத்திவரும் நிலையில் இந்த சம்பவம் பெரும் அதிர்ச்சியையும் பரபரப்பையும் ஏற்படுத்தி உள்ளது.