“தாத்தாவும், பாட்டியும் அங்க…” சாப்பாடு கொடுக்க சென்று அலறியடித்து ஓடி வந்த பேரன்… பதறிய குடும்பத்தினர்…. குலை நடுங்க வைக்கும் பகீர் சம்பவம்…!!

சேலம் மாவட்டம் ஓமலூர் அருகேயுள்ள குண்டுக்கல் ராமப்பகொட்டாய் பகுதியில் தனியாக வசித்து வந்த ஜெயராமன் – அமராவதி தம்பதியினர் தென்னை மட்டை பின்னும் தொழில் செய்து வாழ்க்கை நடத்தி வந்துள்ளனர். இவர்களுக்கு அருகில் வசிக்கும் மகன் குடும்பத்தினர் தினமும் உணவளித்து பராமரித்து வந்த நிலையில், நேற்றிரவு சாப்பாடு கொடுக்கச் சென்ற பேரன் நவநீதன், இருவரும் தலையில் பலத்த காயங்களுடன் ரத்த வெள்ளத்தில் சடலமாகக் கிடப்பதைக் கண்டு அலறித் துடித்துள்ளார். இத்தகவலறிந்து சம்பவ இடத்திற்கு விரைந்து வந்த தீவட்டிப்பட்டி காவல்துறையினர் உடல்களைக் கைப்பற்றி உடற்கூறாய்வுக்காக அரசு மருத்துவமனைக்கு அனுப்பி வைத்தனர்.

மாவட்டக் காவல் கண்காணிப்பாளர் மற்றும் டி.ஐ.ஜி ஆகியோர் நேரில் ஆய்வு செய்து, மோப்ப நாய் மற்றும் கைரேகை நிபுணர்களின் உதவியுடன் தீவிர விசாரணையைத் தொடங்கினர். முதற்கட்ட விசாரணையில் உயிரிழந்த அமராவதி அணிந்திருந்த தங்கக் காதணி மற்றும் மூக்குத்தி ஆகியவை மாயமாகியிருப்பது கண்டுபிடிக்கப்பட்டுள்ளது. இதனால் நகைகளைக் கொள்ளையடிப்பதற்காக இந்த இரட்டைக் கொலை நடந்ததா அல்லது வேறு ஏதேனும் முன்விரோதம் காரணமா என்ற பல்வேறு கோணங்களில் காவல்துறையினர் கொலையாளிகளைத் தீவிரமாகத் தேடி வருகின்றனர்.