“கண்ணை மூடினா அவங்க முகம் தான் வருது”…. 1,400 பேரை பலிகொண்ட பெருவெள்ளம்…. கடவுள் எங்களை மட்டும் காப்பாற்றியது இதற்காகத்தானா?…. கைலாஷ் யாத்திரையில் தப்பிய தம்பதியின் பகீர் வாக்குமூலம்….!

அமெரிக்காவின் ஜார்ஜியா மாநிலத்தைச் சேர்ந்த மீதா மற்றும் ஹேமந்த் பரிக் தம்பதியினர், திபெத்தில் உள்ள புனித கைலாஷ் மலைக்கு யாத்திரை மேற்கொண்ட போது நேபாளத்தில் ஏற்பட்ட பெருவெள்ளத்தில் இருந்து மயிரிழையில் உயிர் தப்பியுள்ளனர். தங்களது பயணத் திட்டத்தில் அவர்கள் திடீரெனச் செய்த ஒரு சிறிய மாற்றமே இந்த விபத்தில் இருந்து அவர்களைக் காப்பாற்றியுள்ளது. பின்னர் அவர்கள் தங்கியிருந்த விடுதிக்குத் திரும்பியபோது, அந்தக் கட்டிடம் இடிபாடுகளாகக் கிடப்பதைக் கண்டு அதிர்ச்சியடைந்தனர். மேலும், அவர்களுடன் வந்த வழிகாட்டிகள் மற்றும் பல குடும்பங்கள் மாயமாகியிருந்தன. குறைந்தது 1,400 பேர் உயிரிழந்து, 5,000-க்கும் மேற்பட்டோர் காணாமல் போன இந்த பேரழிவில், பல அமெரிக்கக் குடிமக்களும் பாதிக்கப்பட்டிருந்த வேளையில், இத்தம்பதியினர் அதிர்ஷ்டவசமாக உயிர் தப்பினர்.

இந்த கோரச் சம்பவத்தின் வடுவில் இருந்து மீள முடியாமல் தவிக்கும் மீதா, தான் தப்பிப் பிழைத்தது குறித்து உருக்கமாகப் பகிர்ந்துள்ளார். “நான் கண்களை மூடினாலே கைலாஷும் அங்கிருந்த மக்களும்தான் என் கண்முன்னே வந்து நிற்கிறார்கள்; அவர்களுக்கு என்ன நேர்ந்தது என்றே தெரியவில்லை. இந்த பேரழிவிலிருந்து கடவுள் எங்களை மட்டும் ஏன் காப்பாற்றினார்? அப்படியென்றால் எங்கள் வாழ்க்கைக்குப் பின்னால் ஏதோ ஒரு உயர்ந்த நோக்கம் இருக்க வேண்டும் அல்லவா?” என்று அவர் வினவுகிறார். இந்த கொடூர வெள்ளத்தில் இருந்து தப்பியது ஒருபுறம் நிம்மதியைத் தந்தாலும், காணாமல் போன சக மனிதர்களின் நினைவுகள் அவர்களைப் பெரிதும் வாட்டி வருகின்றன.