டீ குடிப்பதற்காக சென்ற நண்பர்கள்… நள்ளிரவில் கேட்ட பயங்கர சத்தம்… நொடி பொழுதில் நடந்த துயர சம்பவம்..!

கடலூர் மாவட்டத்தில் உள்ள எருமனூர் புதிய காலனியில், முத்து மாரியம்மன் கோவில் திருவிழா நடைபெற்று வருகிறது. நள்ளிரவு 1 மணியளவில், அதே பகுதியை சேர்ந்த வெங்கடேசன் (25), இவரது தம்பி கௌதம் (20), இவரது நண்பர்களான ஆதினேஷ் (21), ஐயப்பன் (19), வேல்முருகன் (21), நடராஜன் (21) ஆகிய 6 பேரும் டீ குடிப்பதற்காக விருதாச்சலம் கொழுஞ்சியப்பர் கோவில் அருகே புறவழிச்சாலைக்கு காரில் சென்றனர்.

அங்கு டீக்கடை இல்லாததால், அங்கிருந்து புறவழிச்சாலை வழியாக சித்தலூர் நோக்கி சென்று கொண்டிருந்த பொழுது, கொழுஞ்சியப்பர் கோவில் அருகே, திடீரென கார் கட்டுப்பாட்டை இழந்து, இடது புறம் உள்ள மரத்தில் மோதி தலைக்குப்புற கவிழ்ந்தது. இந்த விபத்தில் ஆதினேஷ், ஐயப்பன், வேல்முருகன் ஆகிய மூவரும் சம்பவ இடத்திலே உயிரிழந்தனர். படுகாயம் அடைந்த வெங்கடேசன், கௌதமன், நடராஜன் ஆகிய மூவருக்கும் அரசு மருத்துவமனையில் சிகிச்சை அளிக்கப்பட்டுவருகிறது. இச்சம்பவம் குறித்து தகவலறிந்த போலீசார், வழக்கு பதிவுசெய்து, விபத்துக்கான காரணம் குறித்து விசாரித்து வருகின்றனர்.