“கையில் வாங்கிய பட்டமளிப்புச் சான்றிதழ்” மறுநாளே பறிபோன உயிர்… வேலை வேண்டி கோவிலுக்குச் சென்ற பொறியியல் பட்டதாரிகளுக்கு நேர்ந்த சோகம்..!!

உத்தரப் பிரதேச மாநிலம் பாக்பத் மாவட்டத்தில் எக்ஸ்பிரஸ்வே சாலையில் நடைபெற்ற கோர விபத்து ஒன்று அனைவரது நெஞ்சங்களையும் உலுக்கியுள்ளது. பொறியியல் படிப்பை முடித்து, ஒரு நல்ல வேலை கிடைக்க வேண்டும் என்று இறைவனிடம் பிரார்த்தனை செய்வதற்காக ரிஷிகேஷில் உள்ள நீலகந்த் மகாதேவ் கோவிலுக்கு இரண்டு நண்பர்கள் காரில் சென்று கொண்டிருந்தனர். அதிவேகமாகச் சென்ற கார் கட்டுப்பாட்டை இழந்து, சாலையோரத் தடுப்புச் சுவரில் பலமாக மோதியதில் அந்த இரண்டு இளைஞர்களும் சம்பவ இடத்திலேயே பரிதாபமாக உயிரிழந்தனர்.

இந்தச் சோகத்தின் உச்சமாக, உயிரிழந்த அந்த இளைஞர்கள் இருவரும் தங்களது பொறியியல் பட்டப்படிப்புச் சான்றிதழ்களை (Engineering Degree) வெறும் ஒரு நாளைக்கு முன்னர்தான் பெற்றுள்ளனர். வேலை தேடும் பயணத்தைத் தொடங்குவதற்கு முன்னரே, விதி அவர்களை மரணத்தின் ரூபத்தில் தடுத்து நிறுத்தியுள்ளது. கனவுகளுடன் பயணத்தைத் தொடங்கிய அந்த இளைஞர்களின் வாழ்க்கை, ஒரே நாளில் முடிந்து போனது அவர்களது குடும்பத்தினரிடையேயும் நண்பர்களிடையேயும் சொல்லொணாத் துயரத்தை ஏற்படுத்தியுள்ளது.