அதிமுகவுக்கு விழுந்த அடுத்த பலத்த அடி…. தவெக-வில் இணையும் 4 முன்னாள் அமைச்சர்கள்…. பதற்றத்தில் எடப்பாடி பழனிசாமி….!

அதிமுகவின் முக்கியப் பிரமுகரும் முன்னாள் அமைச்சருமான கே.டி. பச்சைமால் உள்ளிட்ட நான்கு முன்னாள் அமைச்சர்களும், அவர்களோடு சேர்த்து சுமார் 25 முன்னாள் சட்டமன்ற உறுப்பினர்களும் நாளை தமிழக வெற்றிக் கழகத்தில் இணையவுள்ளதாக வெளியாகி இருக்கும் தகவல் தமிழக அரசியலில் பெரும் பரபரப்பை ஏற்படுத்தியுள்ளது. அதிமுக தலைமை மீது ஏற்பட்ட கடுமையான அதிருப்தியே இந்த அதிரடி முடிவுக்கு முக்கியக் காரணம் எனக் கூறப்படும் நிலையில், அதிருப்தியில் உள்ள நிர்வாகிகளைத் தொடர்புகொண்டு சமாதானப்படுத்தும் முயற்சியில் அக்கட்சியின் தலைமை தீவிரமாக இறங்கியுள்ளதாகத் தெரிகிறது.

ஏற்கனவே கடந்த வாரம் கடம்பூர் ராஜு உள்ளிட்ட நான்கு முன்னாள் அமைச்சர்களும், சில முன்னாள் எம்.எல்.ஏ.க்களும் அதிமுகவிலிருந்து விலகி தவெக-வில் இணைந்ததைத் தொடர்ந்து, தற்போது அடுத்தடுத்து அரங்கேறி வரும் இந்த அடுத்த கட்ட அரசியல் நகர்வுகள் அதிமுக வட்டாரத்தில் பெரும் அதிர்ச்சியை ஏற்படுத்தியதோடு, தவெக-வின் அரசியல் பலத்தை மேலும் அதிகரிக்கச் செய்துள்ளன.