பல மதிப்புமிக்க பொருட்கள்…!! சபரிமலையை தொடர்ந்து குருவாயூர் கோவிலிலும் முறைகேடு…? பாஜக மாநில தலைவரின் பரபரப்பு கடிதம்…!!

கேரள மாநிலத்தில் உள்ள புகழ்பெற்ற சபரிமலை ஐயப்பன் கோவில் கருவறையின் வாயிலில் இருபுறமும் உள்ள துவார பாலகர்கள் சிலைகளில் தங்க கவசங்கள் அணிவிக்கப்பட்டிருந்தது. கடந்த 2019 ஆம் ஆண்டில் அந்த தங்க கவசங்கள் கழற்றப்பட்டு செப்பனிடுவதற்காக சென்னை காணொளி வைக்கப்பட்டது. அப்போது அதன் எடை 42.8 கிலோவாக இருந்தது. அந்த தங்க கவசத்தை செப்பனிட்ட பின் அதன் எடை 38 கிலோவாக குறைந்தது.

இந்த விவகாரம் பெரும் அதிர்ச்சியை ஏற்படுத்திய நிலையில் நீதிபதிகள் ராஜா விஜயராகவன், கே.வி ஜெயக் குமார் ஆகியோர் சிறப்பு விசாரணை குழுவை அமைத்து விசாரிக்க உத்தரவிட்டனர். சிறப்பு குழுவினர் நடத்திய விசாரணையில் முறைகேட்டில் ஈடுபட்ட தேவசம் போர்டு அதிகாரிகள் மீது நடவடிக்கை எடுக்கப்பட்டது. இந்த நிலையில் குருவாரூர் ஐயப்பன் கோவிலிலும் பல தவறுகள் நடந்திருப்பதாக தணிக்கை துறை அறிக்கையில் கூறப்பட்டுள்ளது.

வெள்ளி நகைகள், யானை தந்தங்கள் குங்குமப்பூ உள்ளிட்ட பொருட்கள் கருவூலத்திலிருந்து மாயமாகி இருப்பதாகவும் பல மதிப்புமிக்க பொருட்கள் கணக்கில் வராமல் இருப்பதாகவும் தெரிகிறது. இந்த நிலையில் கேரள பாஜக மாநில தலைவர் ராஜீவ் சந்திரசேகர் மத்திய உள்துறை அமைச்சர் அமித்ஷாவுக்கு கடிதம் எழுதியுள்ளார்.

சபரிமலை ஸ்ரீ தர்மசாஸ்தா கோவிலில் உள்பட கேரளா கோவில்களில் நடைபெற்ற ஊழல் முறைகேடு தொடர்பாக விசாரணை நடத்த வேண்டும். அனைத்து தேவசம்போர்டுகளையும் இந்திய தலைமை கணக்காளர் முழுமையாக தணிக்கை செய்ய உத்தரவு பிறப்பிக்க வேண்டும். அதன் முடிவுகளை பொதுவெளியில் வெளியிட வேண்டும் என அந்த கடிதத்தில் குறிப்பிட்டுள்ளார்.