அதிமுகவின் 6 சட்டமன்ற உறுப்பினர்களின் ராஜினாமாவை ஏற்று சபாநாயகர் பிறப்பித்த உத்தரவை எதிர்த்துத் தொடரப்பட்ட வழக்கில் அனைத்து தரப்பு வாதங்களும் நிறைவடைந்த நிலையில், இன்று சென்னை உயர் நீதிமன்றம் தீர்ப்பளிக்க உள்ளது.

ஒரு சட்டமன்ற உறுப்பினர் தன் பதவியைத் துறக்க விரும்பினால் அவரைத் தொடர்ந்து பதவியில் நீடிக்கும்படி யாரும் நிர்பந்திக்க முடியாது என்றும், அவர்களின் ராஜினாமாவை ஏற்பதே ஜனநாயகக் கடமை என்றும் சபாநாயகர் தரப்பில் வாதிடப்பட்டுள்ளது; மறுபுறம், இந்த விவகாரத்தில் குதிரை பேரம் நடந்ததாக அதிமுக தரப்பில் கடுமையான குற்றச்சாட்டுகள் முன்வைக்கப்பட்டுள்ளதால், நீதிபதி வழங்கும் இந்த தீர்ப்பு தமிழக அரசியலில் பெரும் எதிர்பார்ப்பை ஏற்படுத்தியுள்ளது.