பகீர்.. முதலைகள் உடலை தின்னட்டும்..! 13 வயது மகளைக் கொன்று ஆற்றில் வீசிய சித்தப்பா.. குவாலியரில் நெஞ்சைப் பதறவைக்கும் கொடூரம்..!

மத்தியப் பிரதேச மாநிலம் குவாலியரில் காணாமல் போன 13 வயது சிறுமியின் கொலை வழக்கில், அவளது சித்தப்பா செய்த கொடூரக் குற்றத்தை காவல்துறை வெளிச்சத்திற்குக் கொண்டு வந்துள்ளது. கடந்த மே 24 அன்று இரவு, வீட்டில் படித்துக்கொண்டிருந்த சிறுமியை காணவில்லை என்று தேடியபோது, வீட்டின் கதவு உள் பக்கமாகப் பூட்டப்பட்டிருந்தது. அப்போது சுவரைத் தாண்டி உள்ளே சென்ற சவத்தடி தந்தை, ஏதோ ஒரு காரணத்திற்காக ஆத்திரமடைந்து சிறுமியின் கழுத்தை நெரித்துக் கொலை செய்துள்ளார். பின்னர், அது தற்கொலை போலக் காட்டுவதற்காகச் சிறுமியின் உடலைச் சேலையால் தூக்கில் தொங்கவிட்டுள்ளார்.

கொலையை மறைப்பதற்காக, சிறுமியின் உடலைத் தூக்கிக் கொண்டு பிந்த் மாவட்டத்தில் உள்ள சிந்து நதியில் வீசியுள்ளார். நதியில் இருக்கும் முதலைகள் உடலைத் தின்று அழித்துவிட்டால், உண்மை எப்போதும் வெளிவராது என்று அவர் திட்டமிட்டுள்ளார். மேலும், காவல்துறை தனது நடமாட்டத்தைக் கண்காணிக்கக் கூடாது என்பதற்காகத் தனது மொபைல் போனையும் ‘பிளைட் மோடில்’ வைத்துள்ளார். சிறுமி தூக்கிட்டுத் தற்கொலை செய்துகொண்டதாகவும், பயத்தில் உடலை ஆற்றில் வீசிவிட்டதாகவும் ஆரம்பத்தில் அவர் நாடகமாடினார்.

இருப்பினும், தடய அறிவியல் சோதனையில் கிடைத்த ஆதாரங்களின் அடிப்படையில் காவல்துறையினருக்கு அவர் மீது சந்தேகம் வலுத்தது. தீவிர விசாரணைக்குப் பிறகு, அவர் தனது குற்றத்தை ஒப்புக் கொண்டார். அவரது வாக்குமூலத்தின் அடிப்படையில், மே 29 அன்று சிந்து நதியில் இருந்து வனவிலங்குகளாலும் முதலைகளாலும் சிதைக்கப்பட்ட நிலையில் ஒரு சிறுமியின் உடல் மீட்கப்பட்டது. மீட்கப்பட்ட உடல் அந்தச் சிறுமியினுடையதுதானா என்பதை உறுதிப்படுத்த தற்போது டி.என்.ஏ பரிசோதனை மேற்கொள்ளப்பட்டு வருகிறது.