“என்ன கொடுமை…” நீயெல்லாம் ஒரு அப்பன்னா … பிறந்து 14 நாட்களே… பெண் குழந்தைக்கு நேர்ந்த கொடூரம்… எமனாக மாறிய தந்தை… குலை நடுங்க வைக்கும் சம்பவம்…!

பெண் குழந்தை பிறந்த ஆத்திரத்தில், 14 நாட்களே ஆனத் தன் சொந்தக் குழந்தையை நிலத்தடி நீர் தொட்டியில் எறிந்து தந்தை படுகொலை செய்த கொடூர சம்பவம் சிக்கபள்ளாப்பூரில் நடந்துள்ளது. சாந்திநகரைச் சேர்ந்த இம்ரான் என்பவருக்கும் அவரது மனைவி முஸ்கானுக்கும் ஏற்கனவே நான்கு வயதில் ஒரு பெண் குழந்தை உள்ள நிலையில், 14 நாட்களுக்கு முன்பு இரண்டாவதாக மீண்டும் ஒரு பெண் குழந்தை பிறந்துள்ளது. மீண்டும் பெண் குழந்தையே பிறந்ததால் கடும் அதிருப்தியில் இருந்த இம்ரான், புதன்கிழமை இரவு குடும்பத்தினர் அனைவரும் தூங்கிக் கொண்டிருந்த வேளையில், யாருக்கும் தெரியாமல் அந்தப் பிஞ்சுக் குழந்தையை நிலத்தடி நீர் தொட்டியில் வீசியுள்ளார்.

https://twitter.com/HateDetectors/status/2080545492279361860/photo/1

காலை எழுந்ததும் குழந்தையைக் காணாமல் பதறிய மனைவி மற்றும் குடும்பத்தினர் தீவிரமாகத் தேடத் தொடங்கினர். அப்போது, நாடகமாடிய இம்ரானே தொட்டியிலிருந்து குழந்தையைக் கண்டுபிடித்து வெளியே எடுத்துள்ளார். உடனடியாக மருத்துவமனைக்குக் கொண்டு செல்லப்பட்டபோதிலும், குழந்தை ஏற்கனவே உயிரிழந்துவிட்டதாக மருத்துவர்கள் தெரிவித்தனர். இச்சம்பவம் குறித்து மருத்துவமனை நிர்வாகம் அளித்த தகவலின் பேரில் போலிசார் நடத்திய விசாரணையில், இம்ரான் தன் குற்றத்தை ஒப்புக் கொண்டார். அதைத் தொடர்ந்து, மனைவியின் புகாரின் பேரில் போலிசார் அவரைக் கைது செய்து சிறையில் அடைத்தனர்.