மனைவியை சமாதானப்படுத்த மாமியார் வீட்டிற்கு சென்ற கணவர்…! “2 பிஞ்சு குழந்தைகளை தூக்கில் தொங்கவிட்டு…” கதறிய குடும்பத்தினர்… குடும்ப தகராறால் நேரிட்ட பயங்கர விபரீதம்….!!

சேலம் மாவட்டம் மேட்டூர் ஆண்டிக்கரைப் பகுதியைச் சேர்ந்த கட்டிடத் தொழிலாளியான வல்லரசு (26) என்பவருக்கும், அவரது மனைவி ஸ்ரீபிரியாவுக்கும் (22) இடையே குடும்பத் தகராறு ஏற்பட்டுள்ளது. மாமியாருடன் ஏற்பட்ட வாய்த்தகராறு காரணமாகக் கோபித்துக் கொண்டு, ஸ்ரீபிரியா தனது இரு குழந்தைகளுடன் மேட்டூர் ராஜகணபதி நகரில் உள்ள தாய் வீட்டிற்குச் சென்றுள்ளார். இதனையடுத்து, மனைவியைச் சமாதானம் செய்து அழைத்து வருவதற்காக வல்லரசு தனது மாமியார் வீட்டிற்குச் சென்று பேசியுள்ளார். அப்போதும் தம்பதியினருக்கு இடையே மீண்டும் வாக்குவாதம் முற்றியதால், விரக்தியடைந்த வல்லரசு தனது நான்கு வயது மகள் மைவிழி மற்றும் இரண்டு வயது மகன் தர்ஷன் ஆகியோருடன் அந்த வீட்டில் உள்ள ஒரு தனி அறையில் தூங்கச் சென்றுள்ளார்.

இன்று காலை நீண்ட நேரமாகியும் அறைக்கதவு திறக்கப்படாததால் சந்தேகமடைந்த ஸ்ரீபிரியாவும் அவரது தாயாரும் அக்கம் பக்கத்தினர் உதவியுடன் கதவை உடைத்துப் பார்த்தனர். அப்போது, வல்லரசு தனது மனைவியின் சேலையில் தூக்கிட்டுத் தற்கொலை செய்துகொண்டதும், அதற்கு முன்பாகத் தனது இரு பிஞ்சு குழந்தைகளையும் தூக்கிலிட்டுக் கொடூரமாகக் கொன்றதும் தெரியவந்தது. ஒரே அறையில் மூன்று பேர் சடலமாகக் கிடந்ததைக் கண்டு குடும்பத்தினர் கதறித் துடித்தனர். இதுகுறித்துத் தகவல் அறிந்து வந்த மேட்டூர் காவல் துணை கண்காணிப்பாளர் சண்முகசுந்தரம் தலைமையிலான போலீசார், உடல்களைக் கைப்பற்றிப் பிரேதப் பரிசோதனைக்காக அரசு மருத்துவமனைக்கு அனுப்பி வைத்தனர். இக்கோர விபத்து குறித்துப் போலீசார் வழக்குப் பதிவு செய்து தீவிர விசாரணை நடத்தி வருகின்றனர்.