“காதலனுக்காக கணவரை பிரிந்த மகள்…” குடும்ப கௌரவத்தைக் காக்க விஷம் கொடுத்த தந்தை…. குலை நடுங்க வைக்கும் கொடூரம்…!!

கர்நாடக மாநிலம் பெலகாவியில் குடும்பக் கௌரவம் என்ற பெயரில் இளம்பெண் ஒருவரை அவரது தந்தையே விஷம் கொடுத்துக் கொன்று எரித்த பயங்கரச் சம்பவம் வெளிச்சத்திற்கு வந்துள்ளது. சத்யவ்வா என்ற அந்தப் பெண், தனது கணவரைப் பிரிந்து காதலனுடன் சென்றதால் ஆத்திரமடைந்த தந்தை, அண்ணன் மற்றும் மைத்துனர் ஆகியோர் அவரைப் பேச்சுவார்த்தைக்கு வருமாறு அழைத்துள்ளனர். ஆனால், காதலனுடனான உறவை முறித்துக்கொள்ள சத்யவ்வா மறுத்ததால், மூவரும் சேர்ந்து அவரை வலுக்கட்டாயமாக விஷம் குடிக்க வைத்துப் படுகொலை செய்துள்ளனர்.

குற்றத்தை மறைக்க அப்பெண்ணின் உடலைச் சுடுகாட்டில் வைத்து உடனடியாகத் தகனம் செய்துள்ளனர். இதற்கிடையில் காதலன் அளித்த புகாரின் பேரில் போலீஸார் நடத்திய விசாரணையில், கொல்லப்பட்ட பெண்ணின் தாயார் அளித்த வாக்குமூலம் உண்மையை வெளிப்படுத்தியது. இதையடுத்து, படுகொலை மற்றும் தடயங்களை அழித்தல் ஆகிய பிரிவுகளின் கீழ் வழக்குப் பதிவு செய்த காவல்துறை, தலைமறைவாக இருந்த தந்தை உட்பட மூவரையும் அதிரடியாகக் கைது செய்து சிறையில் அடைத்தனர்.