“நள்ளிரவில் அழுது புலம்பிய ஃபரீனா ஆசாத்…” இன்ஸ்டாகிராமில் வெளியான சோகமான வீடியோக்களால் ரசிகர்கள் அதிர்ச்சி…. என்னவா இருக்கும்…?

சமூக ஊடகங்களில் எப்போதும் சுறுசுறுப்பாகவும் மகிழ்ச்சியாகவும் காணப்படும் பிரபல தொலைக்காட்சித் தொகுப்பாளினியும் நடிகையுமான ஃபரீனா ஆசாத், நேற்று நள்ளிரவு முதல் தனது இன்ஸ்டாகிராம் பக்கத்தில் தொடர்ச்சியாகப் பகிர்ந்து வரும் சோகமான வீடியோக்கள் அவரது ரசிகர்களிடையே பெரும் அதிர்ச்சியையும் கவலையையும் ஏற்படுத்தியுள்ளன. ஒருவருடன் பேசுவது மன அமைதியைத் தராமல் வலியை மட்டுமே தருகிறது என்றால், அவரை நினைத்துப் ஏங்குவதை நிறுத்திவிட்டு அவரிடமிருந்து விலகி இருப்பதே நல்லது என்றும், பிரிந்து சென்றவர்கள் மீண்டும் தேடி வந்தாலும் அந்த ஆறுதல் தமக்குத் தேவையில்லை என்றும் அவர் மனமுடைந்து பேசியுள்ளார். எப்போதுமே நேர்மறை எண்ணங்களைப் பரப்பும் ஃபரீனா, திடீரெனக் கண்கலங்கியபடி இத்தகைய எமோஷனல் பதிவுகளை வெளியிட்டிருப்பது சமூக வலைத்தளங்களில் விவாதத்தைக் கிளப்பியுள்ளது.

அதன்தொடர்ச்சியாக இன்று காலையில் அவர் வெளியிட்டுள்ள மற்றொரு பதிவில், நாம் சோகத்தில் இருக்கும்போது நண்பர்களிடம் கூட எதையும் எதிர்பார்க்கக் கூடாது என்றும், இந்த உலகத்தில் நமக்கு நாமேதான் சிறந்த நண்பன் என்றும் உருக்கமாகக் குறிப்பிட்டுள்ளார். மனதில் இருக்கும் கஷ்டங்களை யாரிடமும் பகிராமல் ஒரு தாளில் எழுதிப் படித்துப் பார்த்தாலே பாரம் குறையும் எனத் தமக்குத் தாமே ஆறுதல் கூறிக்கொண்டுள்ளார். ஃபரீனாவிற்கு நேர்ந்த தனிப்பட்ட குடும்பப் பிரச்னைகள் என்னவென்று தெரியாமல் குழப்பமடைந்துள்ள ரசிகர்கள், அவர் விரைவில் இதிலிருந்து மீண்டு வர வேண்டும் எனத் தங்களது ஆதரவுக் கருத்துக்களைப் பதிவிட்டு வருகின்றனர்.