என்ன ஒரு எளிமை… நடுரோட்டில் ஆட்டோவை கையில் எடுத்த பிரபல மேயர்… குஜராத்தில் நடந்த சம்பவம்… இணையத்தில் வைரலாகும் வீடியோ…!

நார்வே நாட்டின் போர்சாங்கர் நகராட்சியின் மேயரான ஜோ இங் ஹெஸ்ஜெவிக், குஜராத்தில் ஆட்டோ ரிக்ஷா ஓட்டி உலா வரும் வீடியோ சமூக வலைதளங்களில் வைரலாகி வருகிறது. குஜராத்தைச் சேர்ந்த இளைஞர் ஒருவர், இந்த வெளிநாட்டுப் பயணியைச் சந்தித்து கூகுளில் தேடியபோதுதான் அவர் நார்வேயின் மேயர் என்ற விபரம் தெரியவந்துள்ளது.

மேயர் ஜோ இங் ஹெஸ்ஜெவிக், அரச குடும்பத்தினர் அல்லது அதிகாரிகள் பயன்படுத்தும் ஆடம்பர கார்கள் மற்றும் பாதுகாப்பு வாகனங்களைத் தவிர்த்துவிட்டு, வண்ணமயமான ஆட்டோ ரிக்ஷாவில் பயணித்து இந்தியாவைப் பார்வையிட்டு வருகிறார். ராஜஸ்தானின் ஜெய்சல்மரில் இருந்து கேரளாவின் கொச்சி வரை ஆட்டோவில் செல்லும் ‘ரிக்ஷா ரன்’ என்ற சாகசப் பயணத்தின் ஒரு பகுதியாகவே அவர் குஜராத் வழியாகப் பயணித்துக் கொண்டிருக்கிறார்.

https://www.instagram.com/reel/DeHleNliJ6I/?utm_source=ig_web_button_share_sheet

எந்தவித ஆடம்பரமோ, விஐபி அந்தஸ்தோ இல்லாமல், மிகவும் எளிமையான முறையில் ஆட்டோ ஓட்டிக்கொண்டு இந்திய கலாச்சாரத்தையும் வாழ்க்கையையும் அனுபவித்து வரும் நார்வே மேயரின் எளிமையை நெட்டிசன்கள் வெகுவாகப் பாராட்டி வருகின்றனர்.