“அவ என்னோட காதலி” கணவன் கண்முன்னே மணமகளைத் துப்பாக்கி முனையில் கடத்திய முன்னாள் காதலன்… பட்டப்பகலில் துணிகரம்…!!

ஒடிசா மாநிலத்தில் நேற்று (பிப்.22) திருமணம் முடிந்து கணவன் வீட்டிற்குச் சென்ற மணமகள், அவரது முன்னாள் காதலனால் துப்பாக்கி முனையில் கடத்தப்பட்ட சம்பவம் பெரும் அதிர்ச்சியை ஏற்படுத்தியுள்ளது. ரேஸ்மி என்ற பெண்ணிற்கும் ஹரிபந்து பட்டேல் என்ற இளைஞருக்கும் திருமணம் முடிந்த நிலையில், மணமகன் தனது மனைவியை காரில் சொந்த ஊருக்கு அழைத்துச் சென்று கொண்டிருந்தார். அப்போது வழியில் வழிமறித்த மணமகளின் முன்னாள் காதலன், மணமகனை துப்பாக்கியைக் காட்டி மிரட்டி, அனைவர் முன்னிலையிலும் மணமகளை வலுக்கட்டாயமாக கடத்திச் சென்றுள்ளார்.

பட்டப்பகலில் நடந்த இந்த துணிச்சலான கடத்தல் சம்பவம் அப்பகுதியில் பெரும் பரபரப்பை ஏற்படுத்தியுள்ளது. இது குறித்து மணமகன் வீட்டார் அளித்த புகாரின் பேரில், போலீசார் வழக்குப்பதிவு செய்து தீவிர விசாரணை நடத்தி வருகின்றனர். கடத்தப்பட்ட பெண்ணையும், தலைமறைவாக உள்ள அவரது முன்னாள் காதலனையும் தேடும் பணியில் தனிப்படைகள் அமைக்கப்பட்டு தீவிர தேடுதல் வேட்டை நடைபெற்று வருகிறது.