மாமனார் சொத்தை அபகரித்தாரா ஆதவ் அர்ஜுனா?… ரூ 534 கோடி சொத்து பட்டியலை காட்டி… வெளுத்து வாங்கிய அ.தி.மு.க… இணையத்தில் வைரல்…!

அதிமுக பொதுச்செயலாளர் எடப்பாடி பழனிசாமியின் மகன் குறித்து பொதுப்பணித் துறை அமைச்சர் ஆதவ் அர்ஜுனா விமர்சித்ததற்கு அதிமுக கடும் கண்டனம் தெரிவித்துள்ளது. எடப்பாடியார் தலைமேற்ற பின் அதிமுகவின் சொத்துகளும் வங்கி இருப்பும் உயர்ந்துள்ளதே தவிர குறையவில்லை என்று தெளிவாகக் குறிப்பிட்டுள்ளது. சாதாரண பின்புலத்தில் இருந்து வந்த ஆதவ் அர்ஜுனாவுக்கு, 2026 தேர்தல் தாக்கல் சான்றிதழின்படி ரூ. 534.90 கோடி மதிப்பிலான சொத்துகள் எப்படி வந்தன என்றும், உழைத்து சம்பாதித்தாரா அல்லது மாமனார் சொத்தை அபகரித்தாரா என்பதை அவர் பொதுவெளியில் விளக்க வேண்டும் என்றும் அதிமுக காட்டமாகக் கேள்வி எழுப்பியுள்ளது.

கூட்டணிக் கட்சிகளின் சுதந்திரமான முடிவுகளை மதிக்கும் பக்குவம் அதிமுகவுக்கு எப்போதும் உண்டு என்று அக்கட்சி சுட்டிக்காட்டியுள்ளது. ஆனால், தங்களது கூட்டணியில் உள்ள தோழமைக் கட்சிகளை மதிக்காமல், பொதுக்கூட்டங்களுக்குக்கூட வராமல் ‘நவீன தீண்டாமையை’ கடைபிடிக்கும் கட்சித் தலைவரைத் தன் தலைவராகக் கொண்டுள்ள ஆதவ் அர்ஜுனா, அதிமுக கூட்டணியைப் பற்றிப் பேசுவது வேடிக்கையானது என்று சாடியுள்ளது.

அதிமுகவின் உண்மையான மூலதனம் அதன் தொண்டர்கள்தான் என்பதில் மாற்றுக் கருத்து இல்லை. கூட்டணி இருந்தாலும் இல்லாவிட்டாலும் தங்கள் சொந்த உழைப்பில் நின்றே வெற்றிபெறும் தெம்பும் திராணியும் அதிமுகவுக்கு உள்ளது. திமுக தயவாலும் தோழமைக் கட்சிகளின் எம்.எல்.ஏ-க்கள் பலத்தாலும் ஆட்சியைக் கடத்திக் கொண்டிருக்கும் த.வெ.க-வுக்கு, உயிரைக் கொடுத்து உழைக்கும் தொண்டர்களைக் கொண்ட அதிமுக இயக்கத்தைப் பற்றிப் பேச எந்தத் தகுதியும் அருகதையும் இல்லை என அதிமுக உறுதியாகத் தெரிவித்துள்ளது.