ஹிந்தியில் ரீமேக் ஆகும் அஜித்தின் சூப்பர் ஹிட் படம்.. அதுவும் அதே தமிழ் இயக்குனராம்.. அப்ப கலெக்ஷன் கட்டும் போலயே..!!

அஜித் குமார் நடிப்பில் கடந்த 2015-ஆம் ஆண்டு என்னை அறிந்தால் திரைப்படம் ரிலீஸ் ஆனது. இந்த படத்தை கௌதம் வாசுதேவ் மேனன் இயக்கியிருந்தார். இந்த படத்தில் அஜித்திற்கு ஜோடியாக அனுஷ்கா செட்டி, த்ரிஷா ஆகியோர் நடித்திருந்தனர். மேலும் அருண் விஜய், அனிதா, பார்வதி நாயர், விவேக் உள்ளிட்ட நட்சத்திரங்கள் முக்கிய கதாபாத்திரத்தில் நடித்திருந்தனர்.

இந்த படத்திற்கு ஹாரிஸ் ஜெயராஜ் இசை அமைத்திருந்தார். இந்த படத்தில் அஜித் போலீஸ் கதாபாத்திரத்தில் நடித்திருந்தார். விமர்சன ரீதியாகவும் வசூல் ரீதியாகவும் மிகுந்த எதிர்பார்ப்புகளுக்கு மத்தியில் என்னை அறிந்தால் திரைப்படம் சூப்பர் ஹிட் ஆனது. இந்நிலையில் என்னை அறிந்தால் திரைப்படம் ஹிந்தியில் ரீமேக் ஆக உள்ளதாம்.

இந்த திரைப்படத்தையும் கௌதம் வாசுதேவ் மேனன் தான் இயக்குகிறார். ஏற்கனவே கௌதம் இயக்கிய துருவ நட்சத்திரம் படம் நவம்பர் 24-ஆம் தேதி திரையரங்குகளில் ரிலீஸ் ஆக உள்ளது. என்னை அறிந்தால் திரைப்படத்தின் ஹிந்தி ரீமேக்கில் சல்மான் கான் நடிக்க உள்ளாராம். ஒரு திரைப்படத்தை தமிழில் எடுத்து ஹிந்தியில் ரீமேக் செய்தால் ஏதாவது மாற்றம் செய்துதான் ரீமேக் செய்வார்கள்.

அதே போலவே என்னை அறிந்தால் படத்தில் கௌதம் சில மாற்றங்களை செய்துள்ளார். அது சல்மான் கானுக்கும் பிடித்து விட்டது. இதனால் என்னை அறிந்தால் ரீமேக் படத்தில் நடிக்க அவர் சம்மதம் தெரிவித்துள்ளார். விரைவில் இந்த படத்திற்கான அதிகாரப்பூர்வ அறிவிப்பு வெளியாகும் என எதிர்பார்க்கப்படுகிறது.