வீட்டு வேலைக்குச் சென்ற பெண்ணுக்கு நேர்ந்த கொடூரம்… மிரட்டி மிரட்டியே சீரழித்த முதலாளி… பெற்றெடுத்த குழந்தையுடன் பெண் அளித்த பகீர் புகார்…!!

உத்தரப் பிரதேச மாநிலம் காசிப்பூர் பகுதியில் உள்ள ஒரு வீட்டில் வீட்டு வேலை செய்து வந்த பெண்ணை, அந்த வீட்டின் உரிமையாளர் தொடர்ந்து பாலியல் வன்கொடுமை செய்துள்ளார். பாதிக்கப்பட்ட பெண் இதனால் கர்ப்பமடைந்த நிலையில், கடந்த சில தினங்களுக்கு முன்பு அவர் ஒரு குழந்தையைப் பெற்றெடுத்துள்ளார். இந்த விவகாரம் தற்பொழுது காவல் நிலையத்தை எட்டியதை அடுத்து பெரும் பரபரப்பை ஏற்படுத்தியுள்ளது.

பாதிக்கப்பட்ட பெண் அக்கிராமத்தைச் சேர்ந்த ஒருவரின் வீட்டில் கடந்த இரண்டு ஆண்டுகளாக வீட்டு வேலை செய்து வந்துள்ளார். அந்த காலகட்டத்தில், வீட்டின் உரிமையாளர் அந்தப் பெண்ணை மிரட்டி பலமுறை பாலியல் வன்கொடுமைக்கு ஆளாக்கியுள்ளார். இதனால் அந்தப் பெண் கர்ப்பமடைந்ததை அறிந்த முதலாளி, இந்த விஷயத்தை யாரிடமாவது கூறினால் கொலை செய்துவிடுவதாகக் கூறி தொடர்ந்து மிரட்டல் விடுத்து வந்துள்ளார்.

மிரட்டலுக்குப் பயந்து அந்தப் பெண் தன் வீட்டிலேயே முடங்கியிருந்த நிலையில், சமீபத்தில் அவர் ஒரு குழந்தையைப் பெற்றெடுத்தார். இதன் பின்னர், பாதிக்கப்பட்ட பெண்ணின் குடும்பத்தினர் காசிப்பூர் காவல் நிலையத்தில் இச்சம்பவம் குறித்து புகார் அளித்தனர். இப்புகாரின் அடிப்படையில், காவல்துறையினர் குற்றவாளியான வீட்டின் உரிமையாளர் மீது எஃப்.ஐ.ஆர் பதிவு செய்து, தலைமறைவாக உள்ள அவரைத் தீவிரமாகத் தேடி வருகின்றனர்.