6 வயது சிறுமிக்குச் சாக்லேட் கொடுத்து.. 82 வயது ஓய்வுபெற்ற ஆசிரியரின் வக்கிரம்… வீடியோ வெளியானதால் போலீஸ் அதிரடி கைது…!!

உத்தரப் பிரதேச மாநிலம் பரேலியில், ஓய்வுபெற்ற ஆசிரியர் ஒருவர் 6 வயது சிறுமியிடம் பாலியல் அத்துமீறலில் ஈடுபட்ட கொடூரச் சம்பவம் அரங்கேறியுள்ளது. 82 வயதான ஜெய்தேவ் என்ற அந்த முதியவர், எல்.கே.ஜி (LKG) படித்து வரும் அந்தச் சிறுமிக்குச் சாக்லேட் தருவதாக ஆசைவார்த்தை கூறி, பாழடைந்த தனது வீட்டிற்கு அழைத்துச் சென்று இழிவான செயலில் ஈடுபட்டுள்ளார். ஆசிரியப் பணியில் இருந்து ஓய்வுபெற்ற ஒருவர், பேரக் குழந்தை வயதில் உள்ள சிறுமியிடம் இப்படி நடந்துகொண்டது அப்பகுதி மக்களிடையே பெரும் கொந்தளிப்பை ஏற்படுத்தியுள்ளது.

இந்தக் கொடுமை நடந்த பிறகு, அந்த முதியவர் குடும்ப உறவினர் என்பதால், பயம் மற்றும் அவமானம் காரணமாகச் சிறுமியின் பெற்றோர் வெளியே சொல்லாமல் இருந்துள்ளனர். பாதிக்கப்பட்ட சிறுமிக்குத் தொடர்ந்து சிகிச்சை அளித்து வந்துள்ளனர். இருப்பினும், அந்த முதியவர் சிறுமியைப் பாழடைந்த வீட்டிற்கு அழைத்துச் சென்றதை அந்தப் பகுதியைச் சேர்ந்த நபர் ஒருவர் கவனித்துள்ளார். அவர் அதனைத் தனது செல்போனில் வீடியோவாகப் பதிவு செய்ததோடு, அந்த வீடியோ சமூக வலைதளங்களில் வைரலாகத் தொடங்கியது.

வீடியோ ஆதாரத்துடன் வெளியே வந்ததையடுத்து, சிறுமியின் குடும்பத்தினர் தைரியமாகப் காவல்துறையில் புகார் அளித்தனர். உடனடியாகச் செயல்பட்ட போலீஸார், முதியவர் ஜெய்தேவ் மீது போக்சோ (POCSO) சட்டத்தின் கீழ் வழக்குப் பதிவு செய்து அவரைக் கைது செய்து சிறையில் அடைத்தனர். பாதிக்கப்பட்ட சிறுமிக்கு மருத்துவப் பரிசோதனைகள் செய்யப்பட்டு, வாக்குமூலமும் பதிவு செய்யப்பட்டுள்ளது. உறவினர் என்ற போர்வையில் ஒளிந்திருந்த ஒரு காமவெறியனின் உண்மை முகம் வீடியோ ஆதாரம் மூலம் வெளிச்சத்திற்கு வந்துள்ளது.