“திருமணமானால் போதும்.. சொந்த வீடு இலவசம்”… தமிழக மக்களைத் திணறடித்த இபிஎஸ்-ஸின் மெகா அறிவிப்பு….!

026-ஆம் ஆண்டு தமிழக சட்டமன்றத் தேர்தலை முன்னிட்டு, அதிமுக பொதுச்செயலாளர் எடப்பாடி பழனிசாமி சென்னை ராயப்பேட்டையில் உள்ள கட்சித் தலைமை அலுவலகத்தில் முதற்கட்டத் தேர்தல் வாக்குறுதிகளை அதிரடியாக வெளியிட்டுள்ளார். இதில் முக்கியமாக, ‘குலவிளக்குத் திட்டம்’ மூலம் அனைத்துக் குடும்ப அட்டைதாரர்களுக்கும் மாதம் 2,000 ரூபாய் உதவித்தொகை வழங்கப்படும் என்றும், பெண்களைப் போலவே ஆண்களுக்கும் நகரப் பேருந்துகளில் கட்டணமில்லாப் பேருந்துப் பயணத் திட்டம் விரிவுபடுத்தப்படும் என்றும் அறிவித்துள்ளார். மேலும், சொந்த வீடு இல்லாதவர்களுக்கு ‘அம்மா இல்லம் திட்டம்’ மூலம் அரசே இடம் வாங்கி கான்கிரீட் வீடுகள் கட்டித்தரும் என்றும், குறிப்பாகத் திருமணமாகித் தனிக்குடித்தனம் செல்லும் பட்டியலின இளைஞர்களுக்கு முன்னுரிமை அளிக்கப்படும் என்றும் அவர் உறுதியளித்துள்ளார்.

திமுக அரசின் நிதி மேலாண்மையைக் கடுமையாக விமர்சித்த எடப்பாடி பழனிசாமி, நிர்வாகத் திறமை இருந்தால் நிதிச்சுமையைக் கையாண்டு இத்திட்டங்களைச் சிறப்பாகச் செயல்படுத்த முடியும் எனத் தெரிவித்தார். இவற்றுடன் 100 நாள் வேலைவாய்ப்புத் திட்டத்தை 150 நாட்களாக உயர்த்துதல் மற்றும் பெண்களுக்கு 25,000 ரூபாய் மானியத்துடன் ‘அம்மா இருசக்கர வாகனத் திட்டம்’ மீண்டும் கொண்டு வரப்படும் போன்ற முக்கிய அறிவிப்புகளையும் அவர் வெளியிட்டார். இரண்டாம் கட்டத் தேர்தல் அறிக்கையில் மக்களின் கோரிக்கைகளை ஏற்று இன்னும் கூடுதல் சலுகைகள் அறிவிக்கப்படும் என்று அவர் கூறியுள்ளது, அரசியல் வட்டாரத்தில் பெரும் விவாதத்தையும் அதிமுக தொண்டர்களிடையே உற்சாகத்தையும் ஏற்படுத்தியுள்ளது.