நாட்டை உலுக்கிய டெல்லி கார் குண்டுவெடிப்பு சம்பவம்… தமிழகம் முழுவதும் உச்சகட்ட பதற்றம்…!

டெல்லி செங்கோட்டையில் கார் குண்டு வெடிப்பு சம்பவம் நாட்டையே பேரதிர்ச்சியில் ஆழ்த்தியுள்ளது. நாடு முழுவதும் தொடர்ந்து பரபரப்பான சூழல் நிலவிவரும் நிலையில் தமிழகத்தில் பாதுகாப்பு பலப்படுத்தப்பட்டுள்ளது. ரயில் நிலையங்கள், முக்கிய வழிபாட்டுத் தலங்கள் மற்றும் விமான நிலையங்களில் பாதுகாப்பு அதிகரிக்கப்பட்டுள்ளது. நள்ளிரவு முழுவதும் தீவிர ரோந்து பணியில் ஈடுபட்ட போலீசார் அண்டை மாநில எல்லை பகுதிகளில் தீவிர கண்காணிப்பில் ஈடுபட்டுள்ளனர்.

தீவிர சோதனைகளுக்கு பிறகு வெளிமாநிலத்தவர்கள் தமிழகத்தில் அனுமதிக்கப்பட்டு வருகிறார்கள். டெல்லி கார் குண்டு வெடிப்பு சம்பவம் எதிரொளியாக நாடு முழுவதும் பாதுகாப்பு பலப்படுத்தப்பட்டுள்ளது. குறிப்பாக சென்னை விமான நிலையம், ரயில் நிலையங்கள், முக்கிய மத வழிபாட்டு தலங்களில் போலீசார் தீவிர பாதுகாப்பில் ஈடுபட்டுள்ளனர். அதேபோல மக்கள் நடமாட்டம் அதிகம் உள்ள இடங்களிலும் போலீசார் ரோந்து பணியில் ஈடுபட்டு வருகிறார்கள்.