“டிடிவி தினகரன் எடுத்த அதிரடி முடிவு”…. அதிமுக கூட்டணியில் இத்தனை இடங்களா?…. அதிர்ச்சியில் அரசியல் களம்….!

தமிழகத்தில் 2026-ஆம் ஆண்டு நடைபெறவுள்ள சட்டமன்றத் தேர்தலை முன்னிட்டு, அரசியல் களம் சூடுபிடிக்கத் தொடங்கியுள்ளது. அந்த வகையில், அதிமுக தலைமையிலான தேசிய ஜனநாயகக் கூட்டணியில் (NDA) டிடிவி தினகரன் தலைமையிலான அம்மா மக்கள் முன்னேற்றக் கழகம் (அமமுக) இணைவது கிட்டத்தட்ட உறுதியாகியுள்ளது. டெல்லியில் மத்திய உள்துறை அமைச்சர் அமித்ஷாவை டிடிவி தினகரன் சந்தித்ததைத் தொடர்ந்து, கூட்டணிக்கான பேச்சுவார்த்தைகள் இறுதி நிலையை எட்டியுள்ளன.

இந்தக் கூட்டணியில் அமமுக தரப்பில் இரட்டை இலக்கத் தொகுதிகள் கோரப்பட்ட நிலையில், தற்போது 7 முதல் 9 தொகுதிகள் வரை ஒதுக்கப்பட வாய்ப்புள்ளதாகத் தெரிகிறது. குறிப்பாக, ஜனவரி 23-ஆம் தேதி மதுராந்தகத்தில் நடைபெறவுள்ள என்டிஏ கூட்டணியின் பிரம்மாண்ட மாநாட்டிற்கான வரவேற்பு பதாகைகளில் டிடிவி தினகரனின் புகைப்படம் இடம் பெற்றுள்ளது, அவர் அதிமுக கூட்டணியில் இணைவதை அதிகாரப்பூர்வமாக உறுதிப்படுத்தும் வகையில் அமைந்துள்ளது. எடப்பாடி பழனிசாமியை முதலமைச்சர் வேட்பாளராக ஏற்றுக்கொண்டு தினகரன் இந்தக் கூட்டணியில் பயணிக்கச் சம்மதம் தெரிவித்துள்ளதாக அரசியல் வட்டாரங்கள் தெரிவிக்கின்றன.

ஏற்கனவே பாமக, தமிழ் மாநில காங்கிரஸ், புதிய நீதிக் கட்சி மற்றும் ஜான் பாண்டியன் தலைமையிலான கட்சிகள் இந்தக் கூட்டணியில் அங்கம் வகிக்கும் நிலையில், அமமுகவின் வருகை தென் மாவட்டங்களில் அதிமுகவின் பலத்தை அதிகரிக்கும் என எதிர்பார்க்கப்படுகிறது. பாஜகவுக்கு ஒதுக்கப்படும் மொத்தத் தொகுதிகளில் இருந்தே அமமுக உள்ளிட்ட தோழமைக் கட்சிகளுக்கான இடங்கள் பகிர்ந்து அளிக்கப்பட உள்ளன. தொகுதிப் பங்கீடு குறித்த அதிகாரப்பூர்வ அறிவிப்பு விரைவில் வெளியாகும் என்பதால், தமிழக அரசியல் களம் பெரும் எதிர்பார்ப்பில் உள்ளது.