ஷாக்..! தவெக – பாஜக இடையே ரகசிய டீலிங்?… தூள் கிளப்பும் துரைமுருகனின் அனல் பறக்கும் பேட்டி…!!

தமிழக வெற்றிக் கழகத் தலைவரின் தாயார் குறித்து சர்ச்சைக்குரிய வகையில் பேசியதாகக் கூறப்படும் பாஜக தலைவர் நயினார் நாகேந்திரன் மீது கடுமையான சட்ட நடவடிக்கைகளை எடுக்க தவெக அஞ்சுவதாக திமுக பொதுச்செயலாளர் துரைமுருகன் குற்றம் சாட்டியுள்ளார். வேலூரில் செய்தியாளர்களைச் சந்தித்த அவர், மத்தியில் ஆளும் பாஜக தலைவர்கள் மீது நடவடிக்கை எடுத்தால் தங்களது ஆட்சிக்கு எங்கே நெருக்கடி ஏற்பட்டுவிடுமோ என்ற பயத்திலேயே தவெக மெத்தனம் காட்டி வருவதாகக் குறிப்பிட்டார். இதன் மூலம், சட்டம் அனைவருக்கும் பொதுவானது என்ற அடிப்படையை ஆளுங்கட்சி சிதைத்துவிட்டதாகவும் அவர் கடுமையாக விமர்சித்தார்.

பாஜகவை திமுக கொள்கை ரீதியாகத் தொடர்ந்து உறுதியுடன் எதிர்த்து வரும் நிலையில், தவெகவோ மத்திய அரசுடன் இணக்கமான போக்கைக் கடைப்பிடித்து வருவதால் இரு கட்சிகளுக்கும் இடையே ரகசிய உடன்பாடு இருக்கலாமோ என துரைமுருகன் சந்தேகம் எழுப்பியுள்ளார். மேலும், தவெக ஆட்சியமைத்து நூறு நாட்கள் ஆகியும் மகளிருக்கான உதவித்தொகை, மானிய விலை சிலிண்டர் உள்ளிட்ட எந்தவொரு முக்கியத் தேர்தல் வாக்குறுதிகளையும் அவர்கள் இன்னும் நிறைவேற்றவில்லை என்று சாடிய அவர், வெற்றுப் பேச்சுகளைத் தவிர்த்துவிட்டு மக்கள் நலனில் அக்கறை செலுத்துமாறும் வலியுறுத்தியுள்ளார்.