பட்டப்பகலில் பயங்கரம்..! தலையை அறுத்து கையில் வைத்து சுற்றிய குற்றவாளி… அடித்தே கொன்ற பொதுமக்கள்… ஒரே நாளில் இரட்டைக்கொலையால் அதிர்ச்சி…!!

பீகாரின் அராரியா மாவட்டம், போர்ப்ஸ்கஞ்சில் நடந்த இந்த அதிர்ச்சியூட்டும் சம்பவத்தில், பப்லு சாஹ் என்பவரை முகமது முஸ்தாக் என்ற நபர் மக்கள் நடமாட்டம் மிகுந்த சந்தையில் கத்தியால் தாக்கி, அவரது தலையைத் துண்டித்துள்ளார். இந்தக் கொடூரச் செயலைச் செய்த பின்னர், குற்றவாளி துண்டிக்கப்பட்ட தலையுடன் சந்தை வீதிகளில் சுற்றித் திரிந்தது அங்கிருந்தோரை உறைய வைத்தது. இந்தச் சம்பவம் நடந்தபோது நூற்றுக்கணக்கான மக்கள் முன்னிலையில் இத்தகைய கொடூரம் அரங்கேறியது பீகாரின் சட்டம் ஒழுங்கு குறித்த கடுமையான அச்சத்தை ஏற்படுத்தியுள்ளது.

இந்தச் சம்பவத்தைத் தொடர்ந்து, ஆத்திரமடைந்த உயிரிழந்தவரின் உறவினர்கள் மற்றும் உள்ளூர் மக்கள் குற்றவாளியைத் தேடிக் கண்டுபிடித்து, அவரைத் தாக்கியுள்ளனர். இதில் பலத்த காயமடைந்த குற்றவாளி மருத்துவமனைக்குக் கொண்டு செல்லும் வழியில் உயிரிழந்தார். இந்த இரட்டைக் கொலைச் சம்பவங்கள் போர்ப்ஸ்கஞ்ச் பகுதியில் பெரும் பதற்றத்தை உருவாக்கியுள்ளதோடு, காவல்துறையினரின் அலட்சியப்போக்கு மற்றும் மாநிலத்தின் பாதுகாப்பின்மையை வெளிச்சம் போட்டுக் காட்டுவதாக பொதுமக்கள் குற்றம் சாட்டுகின்றனர்.