“தூங்காதே தம்பி தூங்காதே”… மந்திரி சபை கூட்டத்தில் தூங்கி வழிந்த ஜனாதிபதி டிரம்ப்… ஒட்டுமொத்த இணையத்தையும் அலறவிடும் வீடியோ…!

அமெரிக்காவின் ஜனாதிபதியாக இரண்டாவது முறையாக கடந்த ஜனவரி மாதத்தில் குடியரசு கட்சியை சேர்ந்த டொனால்ட் டிரம்ப் பதவியேற்றார். இதனிடையே நேற்று அமெரிக்காவின் வெள்ளை மாளிகையில் மந்திரி சபை கூட்டம் நடந்தது. அதில் உள்துறை மந்திரி மார்க் ரூபியோ, ராணுவ மந்திரி பீட்டர் உள்ளிட்ட அனைத்து இலாஹா மந்திரிகளும் கலந்து கொண்டிருந்தனர். கூட்டத்தில் உக்ரைன் மற்றும் ரஷ்யா போர் நிறுத்தம், பொருளாதார நடவடிக்கை ஆகியவை குறித்து ஆலோசனை மேற்கொள்ளப்பட்டது. சுமார் 3 மணி நேரத்திற்கு மேலாக நீடித்த இந்த ஆலோசனையில் அமெரிக்க ஜனாதிபதி ட்ரம்ப் தூங்கி வழிந்தார். மார்க்ரூபியோ உள்ளிட்ட மந்திரிகள் அவரை நிர்வாக திறன் குறித்தும் போர் நிறுத்த நடவடிக்கைகளின் ட்ரம்பின் ராஜதந்திரம் குறித்தும் புகழ்ந்து பேசினர்.

இருந்தாலும் அவற்றை எதுவும் காதில் வாங்காமல் ட்ரம்ப் ஆழ்ந்த தூக்கத்திற்கு சென்றார். ஒரு சில சமயம் 15 நிமிடங்களுக்கு மேல் கண்களை மூடியபடி தலையை தொங்கவிட்டு தூங்கினார். இது குறித்த வீடியோ தற்போது இணையத்தில் வைரலாகி வருகிறது. ட்ரம்புக்கு 79 வயதாவதால் உடல் நலக்குறைவு ஏற்பட்டுள்ளதாகவும் இதனால் தான் இவ்வாறு தூங்குகிறார் எனவும் சமூக வலைத்தளங்களில் பலரும் கருத்து பதிவிட்டு வருகிறார்கள். இதனை வெள்ளை மாளிகை மறுத்துள்ளது. டிரம்ப் நலமுடன் இருப்பதாகவும் 3 மணி நேரம் மாறத்தான் கூட்டத்தை ட்ரம்ப் வெற்றிகரமாக கையாண்டதாகவும் விளக்கம் கொடுத்துள்ள நிலையில் தற்போது இந்த வீடியோ இணையத்தில் வைரலாகி வருகிறது.