“சுகர் டாடி” வேடத்தில் மைனர் பெண்களை.. மருத்துவர் செய்த மோசமான வேலை.. சிறைத்தண்டனைக்கு அஞ்சி மர்மமான முறையில் உயிரிழப்பு!!

அமெரிக்காவின் ஓஹியோ மாநிலத்தில் உள்ள வெஸ்ட் செஸ்டர் நகரியத்தைச் சேர்ந்த பிரான்சிஸ் ‘பிராங்க்’ கியர்ஸ் III என்ற மருத்துவர், இணையதளங்கள் வாயிலாகத் தன்னை ஒரு “சுகர் டாடி” என்று அடையாளப்படுத்திக் கொண்டுள்ளார். இவர் அங்குள்ள இளம் பெண்களை, குறிப்பாக மைனர் சிறுமிகளைத் தனது ஆசை வார்த்தைகளால் வீழ்த்தி, அவர்களுக்குப் பணத்தையும் வேப் பேனாக்களையும் வழங்கி வந்துள்ளார்.

அதற்குப் பிரதிபலனாக அந்தப் பெண்களுடன் பாலியல் உறவு கொள்ளுமாறு கட்டாயப்படுத்தியுள்ளார். இதுகுறித்த புகார்களின் அடிப்படையில், கடந்த மார்ச் மாதம் காவல்துறையினர் தீவிர விசாரணை நடத்தி அந்த மருத்துவரை அதிரடியாகக் கைது செய்தனர். அவர் மீது மைனர் சிறுமியைக் கட்டாயப்படுத்தி விபச்சாரத்தில் ஈடுபடுத்த முயன்றது, மனிதக் கடத்தல் உள்ளிட்ட பல்வேறு கொடூரமான பிரிவுகளின் கீழ் வழக்குகள் பதிவு செய்யப்பட்டன.

அவர் மீதான குற்றச்சாட்டுகள் அனைத்தும் நீதிமன்றத்தின் கிராண்ட் ஜூரி (Grand Jury) மூலம் உறுதி செய்யப்பட்டு, அவர் நீதிமன்றத்தில் நேரில் ஆஜர்படுத்தப்படவிருந்தார். ஆனால், அந்த முக்கிய விசாரணைக்குச் சில நாட்களுக்கு முன்பாக, மருத்துவர் பிரான்சிஸ் கியர்ஸ் மர்மமான முறையில் இறந்த நிலையில் கண்டெடுக்கப்பட்டார். அவரது திடீர் மரணத்தைத் தொடர்ந்து, அவர் மீதான வழக்குகள் அனைத்தும் நீதிமன்றத்தால் தள்ளுபடி செய்யப்பட்டன.