“ஒரு காலத்துல சிஎஸ்கே எப்படி இருந்துச்சு தெரியுமா?”… 12-வது ஓவரில் அஸ்வின் கவனித்த ‘அந்த’ விஷயம்… அஸ்வின் அடுக்கும் பகீர் குற்றச்சாட்டுகள்..!!!

சென்னை சேப்பாக்கம் மைதானத்தில் பஞ்சாப் கிங்ஸ் அணிக்கு எதிரான போட்டியில் சிஎஸ்கே தோல்வியடைந்த நிலையில், அந்த அணியின் செயல்பாடு குறித்து இந்திய அணியின் நட்சத்திர வீரர் ரவிச்சந்திரன் அஸ்வின் தனது ஆதங்கத்தை வெளிப்படுத்தியுள்ளார். சிஎஸ்கே நிர்ணயித்த 210 ரன்கள் என்பது அந்த ஆடுகளத்திற்கு போதாது என்றும், 12-வது ஓவர் முடிந்த உடனேயே சிஎஸ்கே வீரர்களின் உடல்மொழி மிகவும் தொய்வடைந்து காணப்பட்டதாகவும் அவர் விமர்சித்துள்ளார்.

அந்தச் சமயத்திலேயே அவர்கள் வெற்றியின் மீதான நம்பிக்கையை இழந்துவிட்டது போல் தெரிந்ததாகக் குறிப்பிட்ட அஸ்வின், ஒரு காலத்தில் அசைக்க முடியாத பலத்துடன் இருந்த சிஎஸ்கே அணியின் தற்போதைய நிலையை கண்டு வருத்தமாக இருப்பதாகத் தெரிவித்துள்ளார்.

மேலும், மெகா ஏலத்தில் சிஎஸ்கே அணியின் வீரர் தேர்வு குறித்தும் அஸ்வின் கேள்வி எழுப்பியுள்ளார். மலிவான விலைக்குச் சிறந்த அனுபவமுள்ள வீரர்கள் ஏலத்தில் இருந்தும், அனுபவம் குறைந்த வீரர்களை சிஎஸ்கே தேர்வு செய்துள்ளதாக அவர் சுட்டிக்காட்டினார்.

இது குறிப்பாக, சிவம் துபேவுக்கு ஆதரவாக ஒரு இடதுகை பேட்ஸ்மேன் இல்லாததும், பிரசாந்த் வீர் போன்ற இளம் வீரர்களிடம் போதிய அனுபவம் இல்லாததும் அணிக்குப் பின்னடைவை ஏற்படுத்தியுள்ளதாக அவர் கூறியுள்ளார். சிஎஸ்கே அணிக்கு என்று ஒரு மிகப்பெரிய வரலாறு இருப்பதாகவும், அதனைத் தக்கவைக்க வீரர்கள் மீண்டும் போராடும் குணத்தை வெளிப்படுத்த வேண்டும் என்றும் அஸ்வின் அந்த நேர்காணலில் வலியுறுத்தியுள்ளார்.