இண்டஸ்ட்ரி ஹிட் ‘லியோ’ … ஜெயிலர் , ஜவான் எல்லாம் ஓரம் போ… தெறிக்க விடும் தளபதியின் ‘லியோ’ 5 நாள் வசூல் எவ்வளவு தெரியுமா…?

தமிழ் சினிமாவின் முன்னணி நடிகர்களில் ஒருவராக வலம் வருபவர் நடிகர் விஜய். இயக்குநர் லோகேஷ் கனகராஜ் இயக்கத்தில் தளபதி விஜய் நடித்துள்ள லியோ திரைப்படம் அக்டோபர்  19 ஆம் தேதி உலகம் முழுவதும் வெளியாகி ரசிகர்கள் மத்தியில் நல்ல வரவேற்பையும், வசூலில் சாதனையும் படைத்து வருகிறது. மாஸ்டர் திரைப்படத்திற்கு பிறகு லோகேஷ் கனகராஜ் இயக்கம்,  தளபதி விஜய்யின் வெறித்தனமான நடிப்பு என அனைத்தும் சேர்ந்து ஒட்டுமொத்த ரசிகர்களையும் கட்டி இழுத்துள்ளது.

நடிகர் விஜய்யின் லியோ படத்துக்கு கடைசி வரை ஏகப்பட்ட சர்ச்சைகளும் பிரச்சனைகளும் வெடித்தன. இறுதி வரை படம் சுமூகமாக ரிலீஸ் ஆகுமா? என்கிற சிக்கல் நிலவி வந்தது. ஆனாலும் அனைத்து பிரச்சனைகளையும் அசால்ட்டாக தட்டி விட்டு லியோ தற்பொழுது சாதனை புரிந்து வருகிறது. மேலும் இத்திரைப்படம் ரிலீசான முதல் நாளே  உலகளவில் 148.5 கோடி ரூபாயை வசூலித்ததன் மூலமாக தளபதி என்றும் மாஸ் தளபதி தான் என்பதை நிரூபித்துள்ளது.

இதைத்தொடர்ந்து நேற்று முன்தினம் லியோ வெளியாகி  4 நாட்களை நிறைவு செய்த நிலையில் சுமார் 410 கோடி வசூல் செய்ததாக கூறப்பட்டு வந்தது. தற்பொழுது 5 வது நாளான நேற்று மட்டும் 70 கோடி வசூல் செய்துள்ளாதாம். இதன்படி பார்த்தால் தற்பொழுது வரை 480 கோடி வசூல் செய்துள்ளதாக கூறப்படுகிறது. தளபதியின்  வசூல் சாதனையில் லியோ கண்டிப்பாக ஒரு முக்கிய இடத்தை பிடிக்கும்.

இதோடு மட்டுமில்லாமல் லியோ சீக்கிரமாகவே 1000 கோடி வசூலை எட்டும் என தளபதி ரசிகர்கள் கூறி வருகின்றனர். அடுத்தடுத்து விடுமுறை தினங்கள் என்பதால் குடும்பம் குடும்பமாக மக்கள் தியேட்டரை நோக்கி படையெடுத்து வருகின்றனர். அனைத்து தியேட்டர்களும் ஹவுஸ் புல்லாகவே காணப்படுகிறது. பொறுத்திருந்து பார்க்கலாம் லியோ 1000 கோடியை எட்டுமா? என்பதை.