“ஒவ்வொரு ஓட்டுக்கும் பணம்”… தமிழகத்தில் 3000 கோடியை இறங்கும் திமுக… ஸ்டாலின் பிளானை கிழித்து தொங்கவிட்ட பாஜக….!

2026 தமிழக சட்டமன்றத் தேர்தலை முன்னிட்டு அரசியல் களம் தற்போதே சூடுபிடிக்கத் தொடங்கியுள்ளது. ஆளும் திமுக அரசுக்கும் எதிர்க்கட்சியான பாஜகவுக்கும் இடையிலான வார்த்தைப் போர் தீவிரமடைந்துள்ள நிலையில், திமுகவின் ‘திராவிட மாடல்’ ஆட்சியை ஊழல் மலிந்த ஒரு ரயிலுடன் ஒப்பிட்டு பாஜக கடுமையான விமர்சனங்களை முன்வைத்துள்ளது. வரும் தேர்தலில் மக்கள் விரோத திமுக ஆட்சியை வீழ்த்தி, பிரதமர் மோடியின் வழிகாட்டுதலில் ‘டபுள் இன்ஜின்’ அரசு தமிழகத்தில் அமையும் என பாஜக மாநில செய்தித் தொடர்பாளர் ஏ.என்.எஸ். பிரசாத் நம்பிக்கை தெரிவித்துள்ளார்.

இந்த அரசியல் மோதலில் பணப்பட்டுவாடா குறித்த புகார்கள் பெரும் பரபரப்பை ஏற்படுத்தியுள்ளன. குறிப்பாக, 2026 தேர்தலுக்காக வாக்காளர்களுக்கு விநியோகம் செய்ய திமுக சுமார் 2,000 கோடி ரூபாய்க்கும் மேலாக பதுக்கி வைத்துள்ளதாக பாஜக குற்றம் சாட்டியுள்ளது. சென்னை கொளத்தூர் தொகுதியில் மட்டும் அமைச்சர் சேகர்பாபு தலைமையில் சுமார் 100 கோடி ரூபாய் வரை பதுக்கப்பட்டுள்ளதாக பாஜக தரப்பில் அதிரடி குற்றச்சாட்டு முன்வைக்கப்பட்டுள்ளது.

அண்மையில் திருவிடந்தையில் நடைபெற்ற திமுக வாக்குச்சாவடி முகவர்கள் கூட்டத்தை சுட்டிக்காட்டியுள்ள பாஜக, அங்கு ஊழல் பணத்தை எவ்வாறு வாக்காளர்களுக்கு கொண்டு சேர்ப்பது என்பது குறித்து முதல்வர் முன்னிலையிலேயே பயிற்சி அளிக்கப்பட்டதாகக் கூறியுள்ளது. இதுபோன்ற முறைகேடுகள் ஜனநாயகத்திற்கு எதிரானது என்றும், தேர்தல் ஆணையம் இது குறித்துத் தீவிரமாக விசாரணை நடத்தி உரிய நடவடிக்கை எடுக்க வேண்டும் என்றும் அக்கட்சி வலியுறுத்தியுள்ளது.

தமிழகத்தில் நிலவும் இத்தகைய அசாதாரண சூழலை கருத்தில் கொண்டு, இந்திய தேர்தல் ஆணையத்தின் துணை ஆணையர் மனிஷ் கார்க் தலைமையிலான குழுவினர் முழுமையான ஆய்வு நடத்த வேண்டும் என பாஜக கோரிக்கை விடுத்துள்ளது. மாநில தேர்தல் அதிகாரி அர்ச்சனா பட்நாயக், பதுக்கப்பட்டுள்ளதாகக் கூறப்படும் பணத்தைப் பறிமுதல் செய்ய நடவடிக்கை எடுக்க வேண்டும் என்றும், அப்போதுதான் நேர்மையான முறையில் தேர்தல் நடைபெறுவது உறுதியாகும் என்றும் பாஜக தனது அறிக்கையில் தெரிவித்துள்ளது.