நடந்து முடிந்த 2026 தமிழக சட்டமன்றத் தேர்தலில் எந்தக் கட்சிக்கும் தனிப் பெரும்பான்மை கிடைக்காத நிலையில், அதிமுக – திமுக இடையே ஆதரவு நிலைப்பாடுகள் குறித்துப் பல்வேறு ஊகங்கள் வெளிவந்தன. குறிப்பாக, தமிழக வெற்றித் கழகம் மற்றும் பிற கூட்டணிக் கட்சிகள் அதிமுகவை திமுக ஆதரிக்க முயன்றதாகக் குற்றம்சாட்டி வந்தன. இந்நிலையில், இந்தச் சர்ச்சைகளுக்கு அதிமுக முன்னாள் அமைச்சர் மாஃபா பாண்டியராஜன் வெளிப்படையான விளக்கமளித்து, அரசியல் களத்தில் கிளம்பிய புரளிகளுக்கு முற்றுப்புள்ளி வைத்துள்ளார்.
சென்னையில் செய்தியாளர்களிடம் பேசிய மாஃபா பாண்டியராஜன், திமுக தரப்பில் இருந்து அதிமுகவை ஆதரிப்பதற்கான யோசனைகள் முன்வைக்கப்பட்டது உண்மைதான் என்றும், அதைத் பொதுச் செயலாளர் எடப்பாடி பழனிசாமியே சுட்டிக்காட்டியுள்ளார் என்றும் தெரிவித்தார். இருப்பினும், “திமுகவின் அந்த ஆதரவை அதிமுக ஒருபோதும் ஏற்றுக்கொள்ளவில்லை; எந்தச் சூழலிலும் திமுகவுடன் கூட்டணி அமைப்பது பற்றி அதிமுக சிந்தித்துக் கூட பார்க்காது” என்று அவர் மிகத் தெளிவாகக் குறிப்பிட்டுள்ளார். மேலும், கட்சியின் சட்டமன்ற உறுப்பினர்கள் கூட்டத்திலேயே இதுபற்றிப் பேசப்பட்டு நிராகரிக்கப்பட்டதாகவும் அவர் உறுதியளித்தார்.
இதேவேளையில், தமிழக வெற்றித் கழகத் தலைவர் விஜய்யின் அரசியல் அணுகுமுறையையும், அதிமுக சட்டமன்ற உறுப்பினர்களை இழுக்கும் குதிரை பேர நடவடிக்கைகளையும் அவர் கடுமையாகச் சாடினார். “அதிமுகவை முடிந்துபோன சக்தி எனச் சித்தரிக்க விஜய் முயற்சி செய்கிறார்; ஆனால் ஜெயலலிதா உருவாக்கிய இயக்கம் நூறாண்டுகள் கடந்தும் கம்பீரமாக இருக்கும். வரும் உள்ளாட்சித் தேர்தலிலும், அடுத்து வரவிருக்கும் சட்டமன்றத் தேர்தலிலும் அதிமுக மீண்டும் வீறுநடை போட்டு ஆட்சியைக் கைப்பற்றும்” என்று மாஃபா பாண்டியராஜன் நம்பிக்கை தெரிவித்தார்.
கட்சியின் உட்கட்சி மாற்றங்கள் குறித்துப் பேசிய அவர், முன்னாள் அமைச்சர்கள் சிலர் வெளியேறியதால் அதிமுக பலவீனமடைந்துவிடவில்லை என்றும், 34 முன்னாள் அமைச்சர்களும் தொண்டர்களும் எடப்பாடி பழனிசாமி தலைமையின் கீழ் உறுதியாக நிற்பதாகவும் கூறினார். தகவல் தொழில்நுட்பப் பிரிவில் அதிமுக முன்னணியில் இருப்பதைச் சுட்டிக்காட்டிய அவர், இளைஞர்களை பெருமளவில் கட்சியில் இணைத்து, புதிய உத்திகளுடன் மக்களைச் சந்தித்து அதிமுக மீண்டும் பெரும் வெற்றி பெறும் என்றும் உறுதியாகத் தெரிவித்தார்.
நடந்து முடிந்த இடைத்தேர்தலில் பாமக எந்தவொரு தரப்பிற்கும் ஆதரவளிக்காமல் விலகி நின்றதற்கு, தமிழக வெற்றிக் கழகத்தின் அரசியல் வியூக வகுப்பாளர்…
உத்தரப் பிரதேச மாநிலம் மீரட் நகரில் ஒரே நாளில் அடுத்தடுத்து அரங்கேறிய இரு கொடூரக் கொலைச் சம்பவங்கள் பெரும் அதிர்ச்சியை…
ஆந்திர மாநிலம் மேற்கு கோதாவரி மாவட்டம் பீமாவரம் அல்லம்வாரி தோட்டா பகுதியைச் சேர்ந்த 14 வயதான மாதவி, அப்பகுதியில் உள்ள…
கர்நாடக மாநிலம் புத்தூர் தாலுகா ஆர்யபு மேர்லாவைச் சேர்ந்தவர் கார்த்திக் சுவர்ண மேர்லா (27). இவர் அப்பகுதி இந்து ஜாக்ரன்…
ஆந்திர மாநிலம் கர்நூல் மாவட்டத்தைச் சேர்ந்த மஞ்சுளா என்ற பி.எட் பட்டதாரி பெண்ணும், கிருஷ்ணமூர்த்தி என்பவரும் கடந்த 10 ஆண்டுகளாகக்…
ஹைதராபாத் உப்பல் பகுதியில் வசித்து வரும் சாரதா என்ற பெண்ணுக்கு, மேடிப்பள்ளியைச் சேர்ந்த மாலோத் ரவி என்பவருடன் கள்ளத்தொடர்பு இருந்துள்ளது.…