சட்டமன்ற தேர்தலை முன்னிட்டு அனைத்து அரசியல் கட்சிகளும் தீவிரமாக களத்தில் இறங்கி பணியாற்றி வரும் நிலையில் அதிமுக மற்றும் திமுக இடையே போட்டி என்ற நிலை மாறி தற்போது விஜயும் களத்தில் இறங்கியுள்ளதால் 2026 தேர்தல் களம் பரபரப்பாக பார்க்கப்படுகிறது. தமிழக வெற்றி கழகம் தலைவர் விஜய் அடுத்தடுத்து தேர்தல் பணியில் தீவிரம் காட்டி வருகின்றார். இந்நிலையில் SIR தொடர்பான நவம்பர் 2-இல் நடக்கும் தமிழக அரசின் அனைத்துக் கட்சி கூட்டத்தில் பங்கேற்க திமுக சார்பில் தவெகவுக்கு அழைப்பு விடுக்கப்பட்டுள்ளது.
முதல்வர் ஸ்டாலின் தலைமையில் இந்த அனைத்து கட்சி கூட்டம் நடைபெறுகிறது. இந்த கூட்டத்தில் பங்கேற்க நாதக, தேமுதிக உள்ளிட்ட அனைத்து கட்சிகளுக்கும் அழைப்பு விடுக்கப்பட்டுள்ளது. முன்னதாக அழைப்பு விடுக்கப்பட்டால் இக்கூட்டத்தில் பங்கேற்போம் என்று தவெகவை சேர்ந்த அருண்ராஜ் கூறியது குறிப்பிடத்தக்கது. இதனால் விஜய் பங்கேற்பாரா? இல்லையா? என பெரும் எதிர்பார்ப்பு எழுந்துள்ளது.