“தப்பு பண்ணிட்டோம்”…. பாஜகவுக்கு எதிராக திமுக எடுத்த அதிரடி முடிவு…. தொகுதி மறுவரையறை விவகாரத்தில் யாரும் எதிர்ப்பார்க்காத டுவிஸ்ட்….!

நாடாளுமன்றத்தில் தொகுதி மறுவரையறை மசோதாவை மீண்டும் அறிமுகப்படுத்த மத்திய பாஜக அரசு திட்டமிட்டுள்ளது. தற்போதைய மக்களவை உறுப்பினர் எண்ணிக்கையை மக்கள் தொகைக்கு ஏற்ப அதிகரிப்பதை நோக்கமாகக் கொண்ட இந்த மசோதாவின் மூலம், வட மாநிலங்களில் எம்பிக்களின் எண்ணிக்கை உயரும் வாய்ப்புள்ளது. கடந்த ஏப்ரல் மாதம் மூன்றில் இரண்டு பங்கு பெரும்பான்மை இல்லாததால் இந்த மசோதா தோல்வியடைந்த நிலையில், இம்முறை திமுக மற்றும் ஒய்.எஸ்.ஆர். காங்கிரஸ் கட்சிகளின் ஆதரவைப் பெற பாஜக தீவிர முயற்சி மேற்கொண்டு வருகிறது.

மக்களவையில் 22 எம்பிக்களைக் கொண்டுள்ள திமுகவின் ஆதரவு பாஜகவுக்கு மிக முக்கியமானதாகக் கருதப்படுகிறது. தமிழகத்தில் காங்கிரஸ் கட்சியுடன் ஏற்பட்ட அரசியல் கசப்பம்சங்களை தங்களுக்குச் சாதகமாகப் பயன்படுத்தி, தொகுதி மறுவரையறை மசோதாவிற்கு ஆதரவளிக்குமாறு திமுகவிடம் பாஜக மறைமுகமாக பேசி வருவதாகத் தகவல்கள் வெளியாகியுள்ளன. எனினும், கடந்த காலக் கூட்டணிக் கணக்குகளையும், மாநில உரிமைகளையும் முன்னிறுத்தி திமுக தன் நிலைப்பாட்டில் உறுதியாக உள்ளது.

மறுபுறம், ஆந்திராவில் ஒய்.எஸ்.ஆர். காங்கிரஸ் கட்சியையும் பாஜக தாஜா செய்து வருகிறது. ஆனால், தலைமை தேர்தல் ஆணையர் ஞானேஷ் குமாரை நீக்க வேண்டும் மற்றும் எஸ்சிஆர் (SIR) நடவடிக்கையை வாபஸ் பெற வேண்டும் என்பதில் திமுக மற்றும் ஒய்.எஸ்.ஆர். காங்கிரஸ் ஆகிய இரண்டு கட்சிகளுமே உறுதியாக உள்ளன. கடந்த காலங்களில் தேர்தல் ஆணையர் நியமன மசோதாவை ஆதரித்துவிட்டு இப்போது வருந்துவதாக ஒய்.எஸ்.ஆர். காங்கிரஸ் தலைவர் ஜெகன்மோகன் ரெட்டி வெளிப்படையாகத் தெரிவித்துள்ளதும் குறிப்பிடத்தக்கது.

இம்மாத இறுதியில் நடைபெறவிருக்கும் சிறப்பு நாடாளுமன்றக் கூட்டத்தொடரில் இந்த மசோதாவை அறிமுகப்படுத்த பாஜக திட்டமிட்டுள்ளது. இருப்பினும், தேர்தல் ஆணைய விவகாரம் மற்றும் மாநில உரிமைகள் சார்ந்த அதிருப்திகள் காரணமாக, திமுக மற்றும் ஒய்.எஸ்.ஆர். காங்கிரஸின் ஆதரவு இன்னும் உறுதி செய்யப்படவில்லை. இந்த முக்கிய கட்சிகளின் ஆதரவின்றி பெரும்பான்மையை நிரூபிப்பது பாஜகவுக்கு சவாலான காரியமாகவே இருக்கும் என அரசியல் விமர்சகர்கள் கருதுகின்றனர்.