தயாரிப்பாளராக அறிமுகமாகி தோற்றுப் போன இயக்குனர்கள்.. கவினை நம்பி மொத்த காசையும் விட்ட ஜெயிலர் நெல்சன்..!

தமிழ் சினிமாவில் வித்தியாசமான கதை காலத்துடன் மக்களை கவரும் வகையில் படத்தை தரக்கூடிய பிரம்மாண்ட இயக்குனர்கள் பலரும் உள்ளனர். அதனைப் போலவே நடிகர் நடிகைகளும் ஏராளம். சினிமாவை பொறுத்தவரையில் தொடர்ந்து வெற்றி படங்களை கொடுத்த இயக்குனர்கள் ஒரு சிலர் மட்டுமே. அதே சமயம் குறைந்த அளவிலான திரைப்படங்களை எடுத்திருந்தாலும் கதைக்களத்தை மக்கள் மத்தியில் அற்புதமாக எடுத்துரைத்து பாராட்டுக்களை பெற்ற இயக்குனர்களும் உள்ளன. இப்படி தமிழ் சினிமாவில் தொடர்ந்து வெற்றி படங்களை கொடுத்த இயக்குனர்கள் சிலர் தயாரிப்பாளராக உருவெடுத்து பல திரைப்படங்களை தயாரித்து உள்ளன. அப்படி இயக்குனர்கள் தயாரித்து மொக்கை வாங்கிய திரைப்படங்கள் குறித்து இந்த பதிவில் பார்க்கலாம்.

லோகேஷ் கனகராஜ்:

தமிழ் சினிமாவில் முன்னணி இயக்குனராக திகழும் லோகேஷ் கனகராஜ் விஜய் வைத்து மாஸ்டர் மற்றும் லியோ ஆகிய இரண்டு சூப்பர் ஹிட் திரைப்படங்களை கொடுத்திருந்தார். இதனைத் தவிர பல வெற்றி படங்களை கொடுத்துள்ள இவர் தயாரிப்பாளராக அறிமுகமான திரைப்படம் தான் பைட் கிளப். இந்திய மொழி ஆக்ஷன் திரில்லர் திரைப்படம் ஆக கடந்த 2023 ஆம் ஆண்டு வெளியான இந்த திரைப்படம் தோல்வியை தழுவியது.

கார்த்திக் சுப்புராஜ்:

தமிழ் சினிமாவில் முன்னணி இயக்குனர்களில் ஒருவராக இருக்கும் கார்த்திக் சுப்புராஜ் ரஜினி மற்றும் விஜய் உள்ளிட்ட முன்னணி நடிகர்களை வைத்து பல வெற்றி திரைப்படங்களை கொடுத்துள்ளார். இவர் இயக்கிய திரைப்படங்கள் அனைத்துமே வித்தியாசமான கதைக்களத்துடன் இருக்கும். இப்படியான நிலையில் தயாரிப்பாளராக உருவெடுத்த கார்த்திக் சுப்புராஜ் கீர்த்தி சுரேஷ் நடித்த பென்குயின் என்ற திரைப்படத்தை தயாரித்திருந்தார். இந்தத் திரைப்படம் கடந்த 2020 ஆம் ஆண்டு வெளியான நிலையில் ஈஸ்வர் கார்த்திக் இப்படத்தை இயக்கி இருந்தார். ஆனால் இந்த திரைப்படம் எதிர்பார்த்த அளவு வெற்றி பெறாமல் தோல்வியை தழுவியது.

அட்லீ:

தென்னிந்திய சினிமாவில் முன்னணி இயக்குனராக வலம் வரும் அட்லி விஜயை வைத்து தெறி என்ற திரைப்படத்தை இயக்கி இருந்த நிலையில் இந்த திரைப்படத்தின் ரீமேக் ஆக ஹிந்தியில் தயாரிப்பாளராக அறிமுகமான அட்லி தன்னுடைய முதல் திரைப்படத்தை இயக்கியிருந்தார். அந்த திரைப்படம் தான் பேபி ஜான். இந்த திரைப்படத்தில் வரும் தவான் மற்றும் கீர்த்தி சுரேஷ் ஆகியோர் நடித்திருந்த நிலையில் இந்த திரைப்படம் எதிர்பார்த்த அளவு வெற்றி தராமல் முதலுக்கே மோசம் செய்வதுபோல வசூலில் மண்ணை கவ்வியது. இந்த திரைப்படம் சமீபத்தில் தான் வெளியாகி இருந்தது.

நெல்சன்:

தமிழ் சினிமாவில் பல வெற்றி திரைப்படங்களை கொடுத்த நெல்சன் முதன்முதலாக தயாரிப்பாளராக அறிமுகமாகி நடிகர் கவினை வைத்து தயாரித்த திரைப்படம் தான் பிளடி பெக்கர். இந்தத் திரைப்படத்திற்கு அதிக அளவு பிரமோஷன் செய்யப்பட்ட நிலையில் படம் எதிர்பார்த்த அளவிற்கு வெற்றி பெறாமல் தோல்வியை தான் தழுவி இருந்தது. இந்த படத்திற்கு முன்பாக ரஜினியை வைத்து ஜெயிலர் திரைப்படத்தில் வெற்றி கண்டவர் தான் இயக்குனர் நெல்சன்.