என்னது, வானத்தைப்போல படத்தில் முதலில் நடிக்க இருந்தது இவர்தானா?.. அவர் மட்டும் நடிச்சிருந்தா..?

1990களில் விஜயகாந்த்,கார்த்திக், சரத்குமார் மற்றும் விஜய் என பெரிய நடிகர்களை வைத்து வெற்றி படங்களை கொடுத்தவர்தான் இயக்குனர் விக்ரமன். இந்த நிலையில் இவருடைய இயக்கத்தில் வெளியான வானத்தைப்போல மற்றும் சூரியவம்சம் திரைப்படங்கள் குறித்து ஒரு தகவல் வெளியாகி உள்ளது. சின்ன கவுண்டர் திரைப்படத்தில் இடம் பெற்று இருந்த அந்த வானத்தைப்போல மனம் படைத்த மன்னவனே என்ற பாடலில் இருந்து வானத்தைப்போல என்ற சொல்லை படத்தின் தலைப்பாக வைத்தனர். 2000 ஆம் ஆண்டின் முதல் படமாக வெளியான இந்த திரைப்படம் விஜயகாந்தின் சினிமா வாழ்க்கையில் மிகப்பெரிய வெற்றி படமாக அமைந்தது.

அந்த படத்தில் இரட்டை வேடங்களில் நடித்து ரசிகர்களை கவர்ந்தார். இந்தத் திரைப்படம் உருவாவதற்கு முக்கிய காரணம் அதற்கு முன்னர் விக்ரமன் இயக்கியிருந்த சூரியவம்சம் திரைப்படம் மிகப்பெரிய வெற்றி அடைந்தது தான். நடிகர் சரத்குமாரின் சினிமா வாழ்க்கையில் மிகப்பெரிய வெற்றி படம் என்றால் அது சூரியவம்சம் திரைப்படம் தான். நாட்டாமை திரைப்படத்தின் வெற்றியை தொடர்ந்து தயாரிப்பாளர் ஆர் பி சவுத்ரி சரத்குமாருக்காக விக்ரமனிடம் கதை கேட்டபோது முதலில் வானத்தைப்போல கதையை தான் கூறியுள்ளார்.

அந்த கதை ஆர்பி சவுத்ரிக்கும் சரத்குமாருக்கும் பிடித்துப் போக ஒரு நாள் திடீரென்று அந்த படம் அவருக்கு வேண்டாம் நான் அசிஸ்டன்ட் டைரக்டராக இருந்தபோது சூரியவம்சம் என்ற கதையை எழுதினேன் அந்த படத்தை எடுக்கலாம் என்று கூறினார். சரத்குமாருக்கு இந்த கதை சொன்ன போது சூரியவம்சம் படத்தில் அப்பா கதாபாத்திரத்தில் விஜயகாந்த்தும் மகன் கதாபாத்திரத்தில் நீங்களும் நடிக்கலாம் என்று கூறினார். ஆனால் அப்படியெல்லாம் வேண்டாம் இரட்டை வேடங்களில் நானே நடிக்கிறேன் என்று கூறியுள்ளார். அதன் பிறகு தான் வானத்தைப்போல திரைப்படத்திற்கு விஜயகாந்த் ஒப்பந்தமான போது இரட்டை வேடங்களில் அவர் நடித்துள்ளார் என விக்ரமன் ஒரு பேட்டியில் கூறியுள்ளார்.