வெற்றிமாறனுக்காக அவருடைய மனைவி ஆர்த்தி செய்த நெகிழ வைக்கும் செயல்.. அவரே பகிர்ந்த சுவாரஸ்ய சம்பவம்..!

தமிழ் சினிமாவில் முன்னணி இயக்குனர்களில் ஒருவராக வலம் வந்து கொண்டிருப்பவர் தான் இயக்குனர் வெற்றிமாறன். இவருடைய இயக்கத்தில் அண்மையில் வெளியான விடுதலை 2 திரைப்படம் கலவையான விமர்சனங்களை பெற்றது. இந்தப் படத்தை தொடர்ந்து வெற்றிமாறன் இயக்கத்தில் வாடிவாசல் திரைப்படம் உருவாகியுள்ள நிலையில் இந்த படத்தில் சூர்யா நாயகனாக நடிக்கிறார். கலைப்புலி எஸ் தாணு தயாரிக்க உள்ள இப்படத்திற்கு ஜிவி பிரகாஷ் இசையமைக்கிறார். வாடிவாசல் படத்திற்கான அனிமேஷன் பணிகள் லண்டனில் நடைபெற்ற வரும் நிலையில் இந்த படத்திற்கான அறிவிப்பு கடந்த 2020 ஆம் ஆண்டு வெளிவந்தாலும் அதற்கான படப்பிடிப்பு தற்போது வரை தொடங்கவில்லை.

நடிகர் சூர்யா தற்போது ஆர் ஜே பாலாஜி இயக்கத்தில் உருவாகி வரும் பேட்டைக்காரன் படத்தில் பிசியாக நடித்து வருவதால் இந்த படத்தை முடித்த பிறகு தான் வாடிவாசல் படப்பிடிப்பில் பங்கேற்பார் என்று தெரிகிறது. இதன் காரணமாக தற்போது மற்றொரு மாஸ் படத்தை இயக்க வெற்றிமாறன் தயாராகி வருகிறார். கே ஜி எஃப் திரைப்படத்தை மையமாக வைத்து வெற்றிமாறன் அந்த படத்தை எடுக்க உள்ளாராம். அதற்கான ஸ்கிரிப்ட் தயார் செய்யும் பணிகள் நடைபெற்று வரும் நிலையில் இந்த படத்தில் நடிகர் தனுஷ் ஹீரோவாக நடிக்க உள்ளதாகவும் விடுதலை படத்தை தயாரித்த எல் ரெட் குமார் இப்படத்தை தயாரிக்க உள்ளதாகவும் கூறப்படுகிறது.

இப்படியான நிலையில் வெற்றிமாறன் ஆர்த்தி என்பவரை காதலித்து திருமணம் செய்து கொண்ட நிலையில் இந்த தம்பதிகளுக்கு பூந்தென்றல் என்ற ஒரு மகள் உள்ளார். சமீபத்தில் பேட்டி ஒன்றில் பங்கேற்ற வெற்றிமாறன் மனைவி ஆர்த்தி தனது கணவர் பற்றி பேசியுள்ளார்.  அதில், என் கணவருடைய வாழ்க்கையில் பல பொருட்கள் முதல் முறையாக நான் வாங்கிக் கொடுத்தது தான். ஃபர்ஸ்ட் மொபைல், ஃபர்ஸ்ட் லேப்டாப், ஃபர்ஸ்ட் பைக், ஃபர்ஸ்ட் கார் என எல்லாத்தையும் நான் தான் முதல்முறையாக அவருக்கு வாங்கி கொடுத்தேன். எனக்கு வேலை செய்து கொண்டிருக்கும் போது பல்கா ஒரு லட்சம் ரூபாய் அமௌன்ட் வந்தது.

அதை வீட்டுக்கு கொடுக்காம அப்படியே நான் மறைச்சிட்டேன். அந்தப் பணத்தை வைத்து முதல் முறையா அவருக்கு நான் ஆர் எக்ஸ் 100 பைக் வாங்கி கொடுத்தேன். இவர் முதலில் பாலு மகேந்திரா சார்கிட்ட வேலை பார்த்துட்டு இருக்கும்போது அவர் கூப்பிட்டா அவசர அவசரமா ஓடுவாரு. நிறைய டைம் பஸ்ல போறது பார்த்து கஷ்டப்பட்டு இருக்கேன். அதுமட்டுமல்லாமல் இவருடைய சக நண்பர்கள் அனைவரும் பைக் வைத்திருப்பார்கள். இதெல்லாம் நான் பாத்துட்டே இருந்தேன். அதன் பிறகு தான் இவருக்காக ஆர் எக்ஸ் 100 பைக் வாங்கி கொடுத்தேன் என்று வெற்றிமாறன் மனைவி எமோஷனலாக பேசியுள்ளார்.