இது கற்பனைக்கும் அப்பாற்பட்டது, இது சினிமா இல்லை – துபாயில் நடிகர் அஜீத்குமாரை நேரில் சந்தித்த பிரபல இயக்குனர்!

நடிகர் அஜீத் குமார் இப்போது துபாயில் நடந்து வரும் கார் ரேஸ்களில் கலந்து கொண்டிருக்கிறார். அவரை தமிழ் சினிமா நடிகர் நடிகைகள் நேரில் சந்தித்து வாழ்த்துகளை தெரிவித்து வருகின்றனர். நேற்று முன்தினம் நடிகர் சிவகார்த்திகேயன் துபாய்க்கு நேரில் சென்று நடிகர் அஜீத் குமாரை சந்தித்தார். அந்த புகைப்படங்கள் வீடியோக்கள் இணையத்தில் வைரலானது.

அவரைத் தொடர்ந்து தற்போது இயக்குனர் வெங்கட் பிரபு நடிகர் அஜீத்குமாரை நேரில் சந்தித்திருக்கிறார். இதுகுறித்து தனது எக்ஸ் பக்கத்தில் இயக்குனர் வெங்கட் பிரபு கூறியிருப்பதாவது, ரீடேக் இல்லை. ஸ்டண்ட் டபுள்ஸ் இல்லை. ஸ்டார்ட் கேமரா ஆக்சன் இல்லை. உண்மையான வேகம். அபாயம் மற்றும் அர்ப்பணிப்பு. யாஸ் மெரினா சர்க்யூட்டில் நம்ம அண்ணனை நேரில் பார்ப்பது உண்மையில் மெய்சிலிர்க்கும் அனுபவம். அது கற்பனைக்கும் அப்பாற்பட்டது. இது சினிமா இல்லை. இதுதான் அஜித்குமார் என அந்த பதிவில் வெங்கட் பிரபு கூறியிருக்கிறார்.