2 படங்கள் ஹிட் கொடுத்தும் ஏன் சம்பளத்தை உயர்த்தலே…? இயக்குனர் சசிக்குமார் சொன்ன நச் பதில்!

தமிழ் சினிமாவில் இயக்குனர் தயாரிப்பாளர் நடிகர் என வலம் வருபவர் சசிக்குமார். சுப்ரமணியபுரம் படத்தில் நாயகனாக நடித்து இயக்குனராக அறிமுகமானார். தொடர்ந்து பல வெற்றிப் படங்களை கொடுத்த அவர் இடையில் சில படங்களை தயாரித்து பலத்த நஷ்டமும் அடைந்தார். இதற்கிடையே தனது சம்பளத்தை உயர்த்தாதது குறித்து நடிகர் சசிகுமார் வெளிப்படையாக ஒரு நிகழ்ச்சியில் பேசியிருக்கிறார்.

அப்போது இயக்குனர் சசிக்குமார் கூறியதாவது, அயோத்தி டூரிஸ்ட் ஃபேமிலின்னு தொடர்ந்து ரெண்டு படம் ஹிட் கொடுத்தும் ஏன் நீங்க சம்பளத்தை உயர்த்தலேன்னு என்னை கேட்டாங்க. ஆனால் நல்ல கன்டென்ட் உள்ள படம் ஓடுதுன்னு எல்லாரும் சம்பளத்தை கூட்டினால் நடிகர்கள் சம்பளம் தான் கூடும். ஆனா படத்தோட பட்ஜெட் கம்மியாகி விடும்.

அதுவே நான் சம்பளத்தை குறைச்சா அந்த பணத்தை படத்துக்காக போடலாம். படம் நல்லா வரும். அதையெல்லாம் தாண்டி நானும் தயாரிப்பாளராக இருந்தவன் தான். படம் ஓடுச்சா உடனே 2 கோடி அதிகமா கொடுங்க என்று நான் கேட்க மாட்டேன். எனக்கு கம்மியான சம்பளமே போதும் என்று நடிகர் மற்றும் இயக்குனர் சசிகுமார் அந்த நிகழ்ச்சியில் வெளிப்படையாக கூறியிருக்கிறார்