“எனக்கும் அந்த படத்திற்கும் எந்த சம்மந்தமும் இல்லை…” இயக்குனர் ஆர்.ஜே பாலாஜியின் பதில்….!!

ஆர்.ஜே பாலாஜி இயக்கத்தில் உருவான கருப்பு திரைப்படத்தில் நடிகர் சூர்யா நடித்துள்ளார். ட்ரீம் வாரியார் பிக்சர்ஸ் நிறுவனம் தயாரிக்கும் இந்த படத்திற்கு சாய் அபயங்கர் இசை அமைத்துள்ளார். கருப்பு திரைப்படத்தில் சூர்யாவுக்கு ஜோடியாக திரிஷா நடித்துள்ளார். படத்தின் சூட்டிங் முடிவடைந்த நிலையில் ரிலீசுக்கு தயாராகிக் கொண்டிருக்கிறது.

இந்த நிலையில் கருப்பு படத்தின் இயக்குனர் ஆர்.ஜே பாலாஜி திருச்செந்தூர் முருகன் கோவிலில் நேற்று சாமி தரிசனம் செய்து செய்தியாளர்களை சந்தித்து பேசினார். அப்போது மூக்குத்தி அம்மன் 2 திரைப்படம் குறித்து செய்தியாளர்கள் கேள்வி எழுப்பினர். அதற்கு பதில் அளித்த ஆர்.ஜே பாலாஜி மூக்குத்தி அம்மன் 2 படத்திற்கும் தனக்கும் எந்த சம்பந்தமும் இல்லை. படக்குழுவினருக்கு எனது வாழ்த்துக்களை தெரிவித்துக் கொள்கிறேன் என கூறியுள்ளார்.