இரவோடு இரவாக பாரதிராஜா ஐசியூவில் அனுமதி… காலையிலேயே வந்த ஷாக் நியூஸ்…!

16 வயதிலேயே என்ற திரைப்படத்தின் மூலம் தமிழ் சினிமாவில் இயக்குனராக அறிமுகமானவர்தான் பாரதிராஜா. தன்னுடைய முதல் படத்திலேயே ரஜினிகாந்த், கமல்ஹாசன் மற்றும் ஸ்ரீதேவி உள்ளிட்ட முன்னணி நடிகர் நடிகைகளை வைத்து இயக்கியவர். தொடர்ந்து பல வெற்றி திரைப்படங்களை இயக்கிய பாரதிராஜா ராதிகா, ராதா மற்றும் கார்த்திக் உள்ளிட்ட பல முன்னணி நடிகர் நடிகைகளை அறிமுகம் செய்த பெருமையையும் பெற்றவர். முதல் மரியாதை, கிழக்கே போகும் ரயில் மற்றும் அலைகள் ஓய்வதில்லை என ஏராளமான வெற்றி திரைப்படங்களை இயக்கியுள்ளார். இயக்குனராக மட்டுமல்ல நடிகராகவும் தனுஷ் நடித்த திருச்சிற்றம்பலத்தில் நடித்த இவர் பல படங்களில் குணசித்திர கதாபாத்திரத்தில் நடித்து வருகிறார்.

இவருடைய ஒரே மகனும் நடிகர் மற்றும் இயக்குனருமான மனோஜ் பாரதிராஜா கடந்த ஆண்டு மார்ச் மாதம் திடீரென காலமானார். தன் மகனின் மறைவால் ஏற்பட்ட துயரத்தில் இருந்து மீள முடியாமல் தவித்து வந்த நிலையில் மலேசியாவில் உள்ள தனது மகள் வீட்டில் சில மாதங்கள் ஓய்வெடுத்து பிறகு பாரதிராஜா சென்னை திரும்பினார். தற்போது 80 வயதை கடந்துள்ள பாரதிராஜா உடல் நிலை குறைவு காரணமாக சென்னையில் உள்ள தனியார் மருத்துவமனையில் அனுமதிக்கப்பட்டுள்ளார். அவருக்கு திடீரென்று மூச்சு திணறல் ஏற்பட்டுள்ளதாக கூறப்படுகிறது. இதனைத் தொடர்ந்து இன்று icu வில் அவர் அனுமதிக்கப்பட்டுள்ளதாக தகவல் வெளியாகி உள்ளது. ஐசியூவில் உள்ள பாரதிராஜாவுக்கு மருத்துவர்கள் தொடர் சிகிச்சை அளித்து வருகின்றனர்.