இன்று லேடி சூப்பர் ஸ்டார்.. ஆனால்…? சினிமாவில் கால்பதிக்கும் முன் நடிகை நயன்தாரா இப்படி ஒரு வேலை செய்தாரா…?

நடிகை நயன்தாரா தமிழின் முன்னணி நட்சத்திரங்களில் ஒருவர். இவர் தனது ரசிகர்களால் ‘லேடி சூப்பர் ஸ்டார்’ என்று அன்புடன் அழைக்கப்படுகிறார் .முதன் முதலில் மலையாள திரை உலகில் அறிமுகமான இவர், தொடர்ந்து 2005 இல் வெளியான ‘ஐயா’ திரைப்படம் மூலம் தமிழ் திரை உலகில் அறிமுகமானார். தனது முதல் படத்திலேயே தனது கொள்ளை கொள்ளும் அழகால் ரசிகர்களை கட்டி இழுத்தார்.

இப்படம் மூலம் ரசிகர்கள் மனதில் நீங்காத இடத்தை பிடித்தார். இதை தொடர்ந்து அவர் நடித்த பல படங்கள் சூப்பர் ஹிட் ஆகியது. தற்பொழுது இவர் பெண்களை மையமாகக் கொண்டு எடுக்கப்படும் கதைகளை மிக கவனமாக கேட்டு தேர்ந்தெடுத்து நடித்துக் கொண்டுள்ளார். தமிழ் மட்டும் இன்றி மலையாளம், தெலுங்கு என பல மொழிகளில்  நடித்து வருகிறார்.

 

முன்னணி நடிகையான இவர் இயக்குனர் விக்னேஷ் சிவனை ஏழு வருடங்களாக காதலித்து திருமணம் செய்து கொண்டார். திருமணத்திற்கு பின்னர் ஹனிமூன் புகைப்படங்களை வெளியிட்டு வந்த இந்த ஜோடி திடீரென இருவரும் பெற்றோர் ஆகி விட்டோம் என்று திரையுலகையே அதிர்ச்சி அடைய வைத்தனர். இதை தொடர்ந்து இவர்கள் வாடகைத்தாய் மூலம் குழந்தை பெற்றது தெரிய வந்தது. தற்பொழுது இவர்கள் தங்கள் குழந்தைகளுடன் மகிழ்ச்சியாக வாழ்ந்து வருகின்றனர்.

இவர் நடிப்பில் இறுதியாக வெளியான ஜவான் திரைப்படம் ரசிகர்கள் மத்தியில் நல்ல வரவேற்பை பெற்று வசூல் சாதனை படைத்து வருகிறது. சொந்த வாழ்க்கையில் பல சர்ச்சைகளில் சிக்கினாலும், அனைத்தையும் தன் நடிப்பால் தெறிக்கவிட்டு அசத்தி வருகிறார் நடிகை நயன்தாரா. திரையுலகிற்கு வருவதற்கு முன் நடிகை நயன்தாரா கைரளி டிவியில் தொகுப்பாளராக வேலை பார்த்து வந்துள்ளார். அந்த வீடியோ தற்பொழுது இணையத்தில் பரவி வருகிறது. இதோ அந்த வீடியோ…