உணவில் வெங்காயம் சேர்த்ததால் அடிதடி… ஹோட்டலை அடித்து நொறுக்கிய பக்தர்கள்..!!!

டெல்லி – ஹரித்வார் தேசிய நெடுஞ்சாலையில் கான்வர் யாத்திரீகர்கள் அடங்கிய 20 பேர் கொண்ட குழுவிற்கு திங்கட்கிழமை அன்று இரவு உணவில் வெங்காயம் பரிமாறப்பட்டதால் பெரும் பரபரப்பு ஏற்பட்டுள்ளது.  புர்காசி காவல் நிலைய எல்லைக்குட்பட்ட புறவழிச் சாலை அருகே செயல்பட்டு வந்த ஒரு சாலையோர ஹோட்டலில் இந்த சம்பவம் நடந்துள்ளது. உணவில் வெங்காயம் கலந்திருந்ததால் ஆத்திரமடைந்த பக்தர்கள் கடை உரிமையாளர்களோடு வாக்குவாதம் செய்துள்ளார்கள்.

அங்கிருந்த மேசை நாற்காலிகளில் அடித்து நொறுக்கி உள்ளார்கள். இது குறித்து சம்பவ இடத்திற்கு விரைந்து வந்த காவல் துறையினர் பக்தர்களை சமாதானப்படுத்தி அனுப்பி உள்ளார்கள். இந்த சம்பவம்  குறித்து எந்த புகாரும் பதிவு செய்யப்படாததால் வழக்கு பதிவு செய்யப்படவில்லை.