“அவர் சின்னப்பிள்ளை… திமுகவில் சேர்ந்துவிடுகிறேன் என சொன்னவர்…” எம்.பி. பதவி திமுக போட்ட பிச்சையா…? கே.என் நேரு-துரை வைக்கோ இடையே காரசார வார்த்தை போர்…!!

திமுக கூட்டணியில் இருந்து வெளியேறி, முதல்வர் விஜய்யின் தவெகவுடன் மதிமுக கூட்டணி அமைத்துள்ள நிலையில், இரு கட்சித் தலைவர்களுக்கும் இடையே கடுமையான வார்த்தைப் போர் வெடித்துள்ளது. திருச்சியில் செய்தியாளர்களைச் சந்தித்த திமுக முன்னாள் அமைச்சர் கே.என்.நேரு பேசுகையில், “துரை வைகோ ஒரு சின்னப் பிள்ளை, அவர் ரொம்ப அதிகமாகப் பேசுகிறார். “அவர் சின்னப்பிள்ளை… திமுகவில் சேர்ந்துவிடுகிறேன் எனச் சொன்னவர்…” எம்.பி. பதவி திமுக போட்ட பிச்சையா…? கே.என் நேரு-துரை வைக்கோ காரசார விவாதம்…!!

‘என் அப்பா கோபக்காரர், என்னால் தனியாகக் கட்சியை நடத்த முடியாது… கொஞ்சம் பொறுங்கள், நான் திமுகவிலேயே வந்து இணைந்து விடுகிறேன்’ என்று என்னிடம் கூறியவர் தான் இந்தத் துரை வைகோ. இப்போது அவர் தனது வயதையும் மீறி முதல்வர் ஸ்டாலின் குறித்தும் மிசா பற்றியும் மாற்றிப் பேசுகிறார்” என்று சாடினார்.

முன்னதாகப் பேசிய மதிமுக எம்பி துரை வைகோ, “எனக்குக் கிடைத்த எம்.பி. பதவி திமுக போட்ட பிச்சை என்கிறார்கள். தேர்தலில் மக்கள் வாக்களித்ததால் தான் நாங்கள் வெற்றி பெற்றோம். திமுகவில் தற்போது பண்ணையார் அரசியல் வந்துவிட்டது. கொளத்தூரில் திமுக தலைவருக்குக் கூட மக்கள் வாக்களிக்கவில்லையே, அதற்கு என்ன சொல்வார்கள்?

இந்த லஞ்ச லாவண்யமற்ற பண்ணையார் அரசியலுக்கு முற்றுப்புள்ளி வைத்துப் மிகப்பெரிய மாற்றத்தைக் கொண்டு வந்தவர் முதல்வர் விஜய் தான்” என்று கடுமையாக விமர்சித்திருந்தார். இதற்குப் பதிலடி கொடுக்கும் வகையிலேயே கே.என்.நேருவின் இந்தச் சீற்றம் அமைந்துள்ளது.