“உன் அந்தரங்க போட்டோவை லீக் பண்ணவா..?” திருமணமான மகளை மிரட்டி அத்துமீறிய தந்தை… “ரூ.10 லட்சம் கடனுக்காக..” பெண்ணின் வாழ்கையை புரட்டி போட்ட சோக சம்பவம்…!!

ஒடிசா மாநிலம் கஞ்சம் மாவட்டத்தில் உள்ள பெர்ஹாம்பூர் பகுதியில், 22 வயது இளம்பெண் ஒருவர் தனது மாமியார் வீட்டில் தீக்குளித்து தற்கொலைக்கு முயன்ற அதிர்ச்சிச் சம்பவம் அரங்கேறியுள்ளது. 75 சதவீத தீக்காயங்களுடன் உயிருக்குப் போராடி வரும் அந்தப் பெண்ணிடம் மருத்துவமனையில் காவல்துறை வாக்குமூலம் பெற்றபோது, மிகக் கொடூரமான உண்மைகள் வெளிச்சத்திற்கு வந்தன. பாதிக்கப்பட்ட பெண், 57 வயதான தனது சொந்தத் தந்தை (உயர்நிலைப் பள்ளி ஆசிரியர்) மற்றும் மேலும் இருவர் மீது பாலியல் குற்றச்சாட்டுகளை முன்வைத்துள்ளார். தனது திருமணத்திற்கு முன்பிருந்தே தந்தை தன்னைத் தொடர்ந்து பாலியல் ரீதியாகத் துன்புறுத்தி வந்ததாகவும், திருமணம் முடிந்த பின்னரும் அந்தக் கொடுமை நீடித்ததாகவும் அவர் கண்ணீருடன் தெரிவித்துள்ளார்.

இந்த விவகாரத்தில் மற்றொரு பின்னணியாக, அந்தப் பெண்ணின் தந்தை தனது மகளின் மாமனாரிடம் 10 லட்சம் ரூபாய் கடன் வாங்கித் திருப்பித் தராமல் ஏமாற்றி வந்துள்ளார். மாமனார் வற்புறுத்தியதால் தன்னிடம் பணம் கேட்க வந்த சொந்த மகளை, அவளது அந்தரங்கப் புகைப்படங்களைப் பொதுவெளியில் கசியவிட்டு விடுவதாக அந்தத் தந்தை மிரட்டியுள்ளார். இந்த மன உளைச்சலாலேயே அந்தப் பெண் விபரீத முடிவை எடுத்தது விசாரணையில் தெரியவந்துள்ளது. பெண்ணின் வாக்குமூலத்தின் அடிப்படையில் அந்த ஆசிரியரை சனிக்கிழமை காவல்துறையினர் அதிரடியாகக் கைது செய்தனர். மேலும், இந்தச் சம்பவம் தொடர்பாக இருவரின் அலைபேசிகளும் பறிமுதல் செய்யப்பட்டு, தடயவியல் ஆய்வுகளுடன் தீவிர விசாரணை நடத்தப்பட்டு வருகிறது.