அடப்பாவி… போதையில் வெடித்த மோதல்… வளர்ப்பு தந்தையை குத்திக்கொன்ற கொடூர மகன்… கேரளாவில் அதிர்ச்சி சம்பவம்…!!

கேரள மாநிலம் மலம்புழா குர்திகடவு பகுதியைச் சேர்ந்தவர் வினோத் இவரும் இவரது வளர்ப்பு மகனான சதீஷ் என்பவரும் நேற்று இரவு ஒன்றாக அமர்ந்து மது அருந்தியதாகக் கூறப்படுகிறது. அப்போது அவர்களுக்கு இடையே திடீரென தகராறு ஏற்பட்டுள்ளது.

இந்த தகராறு முற்றியதில், ஆத்திரமடைந்த சதீஷ் தனது வளர்ப்பு தந்தையான வினோத்தை கடுமையாகத் தாக்கி கொலை செய்துள்ளார். இச்சம்பவம் அப்பகுதியில் பெரும் பரபரப்பையும் அதிர்ச்சியையும் ஏற்படுத்தியுள்ளது.

இதுபற்றி தகவலறிந்த மலம்புழா போலீசார் உடனடியாக சம்பவ இடத்திற்கு விரைந்து வந்து, வினோத்தின் உடலைக் கைப்பற்றி பிரேத பரிசோதனைக்காக அரசு மருத்துவமனைக்கு அனுப்பி வைத்தனர். மேலும், இக்கொலை சம்பவம் குறித்து வழக்குப் பதிவு செய்து, தலைமறைவாக உள்ள வளர்ப்பு மகன் சதீஷை தீவிரமாகத் தேடி வருகின்றனர்.