அய்யோ நெஞ்சே பதறுது… 3வது கணவருடன் சேர்ந்து 2 வயது குழந்தையை கொன்று புதரில் வீசிய தாய்… தமிழகத்தில் நடந்த பயங்கர சம்பவம்…!

மதுரை மாவட்டம் சோரிக்காம்பட்டியில் உள்ள கோழிப்பண்ணையில் தென்காசி பகவதிபுரத்தை சேர்ந்த கண்ணன் (25) என்ற வாலிபர் வேலை பார்த்து வந்துள்ளார். அதேபோல கேரள மாநிலம் புனலூரை சேர்ந்த கலாசூர்யா(25) என்ற பெண்ணும் வேலை பார்த்து வந்துள்ளார். கலா சூர்யாவுக்கு ஏற்கனவே இரண்டு பேருடன் திருமணம் ஆகி அவர்களை பிரிந்து வாழ்ந்து வந்துள்ளார். இதில் இரண்டாவது கணவர் மூலமாக அவருக்கு ஷிவானி என்ற இரண்டு வயது பெண் குழந்தையும் இருந்தது. இதனிடையே கலா சூரியாவுக்கும் கண்ணனுக்கும் பழக்கம் ஏற்பட்டு இரண்டு மாதங்களுக்கு முன்பு திருமணம் செய்து கொண்டனர். குழந்தை தனக்கு தொந்தரவாக இருப்பதாக கண்ணன் அடிக்கடி கூறிவந்துள்ளார்.

கடந்த மாதம் ஐந்தாம் தேதி கலா சூரியா கடைக்கு சென்று இருந்த போது கண்ணன் அந்த இரண்டு வயது குழந்தையை கழுத்தை நெரித்து கொலை செய்துள்ளார். இது பற்றி அறிந்த கலா சூர்யா அதிர்ச்சி அடைந்தார். பிறகு இருவரும் சேர்ந்து குழந்தையின் உடலை ஒரு மூட்டையில் கட்டி அருகில் உள்ள காட்டுப்பகுதி புதரில் வீசிவிட்டனர். இதனை தொடர்ந்து இருவருக்கும் இடையே தகராறு ஏற்பட்ட நிலையில் கலா சூரியா கோபித்துக் கொண்டு கேரளாவில் உள்ள தன்னுடைய தாய் சந்தியாவின் வீட்டிற்கு சென்றுள்ளார்.

அவரிடம் குழந்தை எங்கே என்று சந்தியா கேட்டுள்ளார். அப்போது கலா சரிவர பதிலளிக்காததால் சந்தேகம் அடைந்த சந்தியா போலீசில் புகார் அளித்தார். இதனைத் தொடர்ந்து போலீசார் விசாரணை நடத்தியதில் தகவல் அறிந்த கண்ணன் நேற்று கிராம நிர்வாக அலுவலர் முன்னிலையில் சரணடைந்தார். அவரிடம் விசாரித்ததில் குழந்தையை கொன்று புதரில் உடலை வீசியதை ஒப்புக்கொண்டார். இதனைத் தொடர்ந்து அவரையும் கலாவையும் போலீசார் கைது செய்துள்ளனர். பிறகு காட்டுப்பகுதிக்கு சென்று குழந்தையின் சடலத்தை தேடிய போது ஒரு மாதமானதால் குழந்தையின் எலும்புகள் மட்டும் கிடைத்தது. அதனை கைப்பற்றிய போலீசார் தற்போது விசாரணை நடத்தி வருகிறார்கள்.